Sufaid Biryani Recipe in Urdu

اجزاء:
ہمارے یہاں جمعہ کے روز اکثر گھروں میں بریانی بناتی ہے، جسے سارا گھر بہت شوق سے کھاتا ہے۔ لیکن ہر بار ایک جیسی بریانی کھانے سے بھی انسان اکتا جاتا ہے، تو کیوں نہ آج کچھ نیا ٹرائے کیا جائے؟ تو آئیے آج ہم آپ کو بتاتے ہیں بریانی کی ایک نئی ریسیپی، جو کہ دہلی کی صوفیانی بریانی کے نام سے مشہور ہے۔

صوفیانی بریانی بنانے کے لیئے سب سے پہلے تو 1 کلو چاول کو دھو کر پانی میں بھگو کر رکھیں پھر اسے ابال کر سائیڈ پر رکھ دیں۔ اسکے بعد آپ کو کیا کرنا ہے وہ بتاتے ہیں

گوشت ابالنے کیلیئے:

۔ ایک دیگچی میں 1 کلو گائے کا گوشت، 1 موٹی کٹی ہوئی پیاز، 1 چمچ نمک، 7 ہری مرچیں، 1 چمچ ادرک لہسن پیسٹ اور تقریباً 1 لیٹر پانی شامل کر کے ابالنے کیلیئے رکھ دیں، جب گوشت گل جائے تو اسے سائیڈ پر رکھ دیں

بریانی کا مصالحہ بنانے کیلیئے:

۔ ایک دیگچی میں 1 سے سوا کپ تیل ڈال کر اس میں 3 عدد پیاز کو پتلا کاٹ کر گولڈن براؤن کر کے نکال لیں۔

۔ اب اسی تیل میں 1 چمچ ادرک لہسن، 7 ہری مرچ، 1 بڑی اور 4 چھوٹی الائچی، 2 بادیان کے پھول، 3 دار چینی کے ٹکڑے، 5 لانگ، 20 کالی مرچ اور 1 چمچ زیرہ دال کر مکس کریں اور پھر اس میں ابلا ہوا گوشت شامل کرکے کچھ دیر فرائی کریں

۔ اب اس میں 1 کپ دہی ڈال کر پکائیں، پھر 1 چمچ کٹی ہوئی سونف، 2 چمچ دھنیا پاؤڈر، 1 چمچ زیرہ پاؤڈر، 1 چمچ کالی مرچ، 1 چوتھائی چمچ جائفل جاوتری، ½ چمچ گرم مصالحہ، دیڑھ چمچ پسی ہوئی سفید مرچ اور 1 چمچ نمک شامل کر کے اچھے سے بھون لیں۔

۔ جب مسالحہ بھون جائے تو اس میں ½ کپ کاجو اور بادام کا پیسٹ، 2 چمچ لیموں کا رس، 2 چمچ چکن پاؤڈر، 100 ملی لیٹر کریم اور تھوڑا سا پانی ڈال کر بریانی کا مصالحہ بنالیں، مصالحہ بن جائے تو اس میں آدھی تلی ہوئی پیاز، ہرا دھنیا پودینہ اور ہری مرچ شامل کر کے مکس کریں اور ڈھکن لگا دیں۔

بریانی کو دم دینے کیلیئے:

۔ ایک بڑی دیگچی میں تھوڑے سے چاول ڈال کر اس میں بریانی کے مصالحے کی تہہ لگائیں اور اوپر سے باقی بچی ہوئی پیاز دھنیا پودینہ ہری مرچ اور باریک کٹا ادرک شامل کر کے اوپر چاول ڈال دیں اور چند قطرے کیوڑہ ایسنس کے چھڑک کر دم پر رکھ دیں۔

۔ مزیدار اور ذائقہ سے بھرپور صوفیانی سفید بریانی تیار ہے!