Palak or Mash ki Dal Recipe in Urdu

اجزاء:
دھلی ماش کی دال۔۔۔۔۔۔۔۔۔۔۔ دو پیالی
پالک(دھو کر باریک کاٹ لیں)۔۔۔۔۔۔۔۔۔ ایک کلو
نمک۔۔۔۔۔۔۔۔۔۔ حسب ِذائقہ
لہسن۔۔۔۔۔۔۔۔۔۔۔۔ آٹھ سے دس جوے
پیاز۔۔۔۔۔۔۔۔۔۔۔۔۔۔۔ (باریک کٹی ہوئی) دوعدد درمیانی
ثابت لال مرچیں۔۔۔۔۔۔۔۔۔۔ چھ سے آٹھ عدد
سفید زیرہ۔۔۔۔۔۔۔۔۔۔۔ ایک چائے کا چمچ
ہری مرچیں۔۔۔۔۔۔۔۔۔ تین سے چار عدد
کوکنگ آئل۔۔۔۔۔۔۔۔۔۔ آدھی پیالی

دال دوگھنٹے کے لئے بھگو دیں۔ دیگچی میں پالک، ماش کی دال، ہری مرچیں اور پیاز ڈال کر درمیانی آنچ پر اتنی دیر تک پکائیں کہ پالک کا اپنا پانی اچھی طرح خشک ہوجائے۔ کڑاہی میں کوکنگ آئل کو درمیانی آنچ پر تین سے چار منٹ گرم کریں اور اس میں لہسن ، زیرہ اور لال مرچوں کو سرخ ہونے تک فرائی کریں۔ یہ بگھار پالک اور دال پر ڈال دیں۔ پالک اور دال پر نمک ملا کر پانچ سے سات منٹ تک ڈھک کرہلکی آنچ پر پکائیں اور چولہے سے اتار لیں۔

ٹپ:پالک کو پندرہ سے بیس منٹ کے لئے بھگو کر رکھیں۔ پھر دو سے تین مرتبہ اچھی طرح پانی سے دھو لیں تاکہ مکمل طور پر مٹی صاف ہوجائے۔ اس کے بعد باریک کاٹ لیں۔