Chicken Pasanday Recipe in Urdu

اجزاء:
جھٹ پٹ پسندے بنانا چاہتی ہیں لیکن گائے کا گوشت نہیں ہے تو اب بنائیں مرغی کے گوشت سے ایسے ذائقے دار دعوتوں والے پسندے جن کو کھاتے ہی مزہ آجائے۔
تو چلیں بتاتے ہیں آپ کو جھٹ پٹ مرغی کے پسندے بنانے کی آسان ترین ریسیپی۔

٭ ایک کلو بون لیس چکن کو دھو لیں اور اس میں سویا سوس، سفید سرکہ، دو چمچ بیکنگ پاؤڈر اور ایک پسی ہوئی پیاز ڈال کر اچھی طرح مکس کر کے ڈھکن ڈھک دیں۔
٭ پتیلی میں آئل گرم کریں، پیاز بھونیں ساتھ ہی اس میں ادرک لہسن کا پیسٹ، ہلدی، لال مرچ پاؤڈر، دھنیا پاؤڈر، کالی مرچ پاؤڈر، گرم مصالحہ اور چاٹ مصالحہ ڈال کر اچھی طرح دس منٹ پکائیں۔
٭ پھر اس میں چار پسے ہوئے بادام، چار پسے ہوئے کاجو اور چار ہی پسے ہوئے چنے ڈال کر پکائیں، اس میں دہی شامل کریں اور مصالحے کو اچھی طرح بھون لیں۔
٭ سوس لگی ہوئی چکن کو اب مصالحے میں شامل کرلیں اور بیس منٹ پکائیں۔
٭ لیجئیے تیار ہیں آپ کے دعوتوں والے پسندے جو کرے آپ کی سحری کا مزہ دوبالا وہ بھی آسانی سے۔

ٹپ:
٭ چکن میں سوس وغیرہ اگر آپ شام کو ڈال کر چھوڑ دیں گی تو رات میں یہ اور بھی جلدی بنیں گے۔
٭ پیاز کا پیسٹ بنا کر اس میں استعمال کریں تو ذائقہ بھی بھرپور آئے گا اور مصالحہ بھی اچھا بھن جائے گا۔
٭ آخر میں آپ کوئلے کا دم بھی لگاسکتی ہیں ۔