Chicken Milano Recipe in Urdu

اجزاء:
چکن بریسٹ------- ایک عدد
نمک--------- حسب ذائقہ
ادرک لہسن-------- پسا ہوا ایک کھانے کا چمچ
پالک---------- 200گرام
سویا سوس----------- دو کھانے کے چمچ
دوسٹر شائر ساس---------- دو کھانے کے چمچ
کالی مرچ پسی ہوئی------- ایک چائے کا چمچ
دودھ----------- ایک پیالی
چیڈر چیز----------- ایک پیالی
میدہ-------------- ایک پیالی
ڈبل روٹی کا چورا------------------ ایک پیالی
انڈے -----------------دو عدد
کوکنگ آئل----------------- حسبِ ضرورت

چکن بریسٹ کو دھو کر دس سے پندرہ منٹ کے لئے فریزر یں رکھیں، پھر اس کے چار پارچے کاٹ لیں۔
آدھا چائے کا چمچ کالی مرچ ، نمک ، ادرک لہسن ، سویا سوس اور دوسٹر شائر ساس کو ملا لیں اور چکن کے پارچوں کو اس سے میرینیٹ کرکے پندرہ سے بیس منٹ کے لئے رکھ دیں۔
پالک کو دھو کر ابلتے ہوئے پانی میں ڈالیں اور تین سے چار منٹ ابال کر ٹھنڈے پانی میں ڈال دیں۔ پھر چھلنی میں رکھ کر پانی میں خشک کرلیں۔
چھوٹے ساس پین میں دو کھانے کے چمچ ڈالڈا کوکنگ آئل میں دو کھانے کے چمچ میدہ ڈال کر ہلکی آنچ پر خوشبو آنے تک بھونیں پھر اس میں تھوڑا تھوڑا دود ھ ڈال کر لکڑی کے چمچ سے ملاتے ہوئے پکائیں۔
جب مکسچر یکجان ہوجائے تو اس میں کالی مرچ ، پالک اور چیز ڈال کر چولہے سے اتارلیں۔
میرینیٹ کئے ہوئے چکن بریسٹ کو پہلے خشک میدے میں رول کریں، پھر پھینٹیں ہوئے انڈے میں ڈپ کر کے ڈبل روٹی کے چورے میں لتھیڑ لیں۔
فرائینگ پین میں کوکنگ آئل کو درمیانی آنچ پر گرم کرکے ان پارچوں کو سنہری فرائی کرلیں۔
پہلے سے گرم سے کئے ہوئے اوون میں شیشے کی اوون پروف ڈش میں پہلے پالک کا مکسچر پھیلا کر ڈالیں پھر اس پر فرائی کئے ہوئے پارچے رکھ کر چار سے پانچ منٹ کے لئے 180ڈگری سینٹی گریڈ پر گرل کرکے نکال لیں۔
اوون سے نکال کر اسی ڈش میں گرم گرم پیش کریں۔