Chicken Delight Recipe in Urdu

اجزاء:
چکن بریسٹ۔۔۔۔۔۔۔۔۔۔۔۔۔ دو عدد
نمک۔۔۔۔۔۔۔۔۔۔۔ حسب ذائقہ
لہسن پسا ہوا۔۔۔۔۔۔۔۔۔۔۔۔۔ ایک کھانے کا چمچ
پارمیسان چیز۔۔۔۔۔۔۔۔۔۔۔۔۔ آدھی پیالی
چیڈر چیز۔۔۔۔۔۔۔۔۔۔۔۔۔۔ ایک پیالی
کالی مرچ پسی ہوئی۔۔۔۔۔۔۔۔۔۔۔۔۔۔۔ آدھا چائے کا چمچ
اجوائن۔۔۔۔۔۔۔۔۔۔۔۔۔ آدھا چائے کا چمچ
تھائم۔۔۔۔۔۔۔۔۔۔ آدھا چائے کا چمچ
ہری مرچیں۔۔۔۔۔۔۔۔۔۔۔۔۔۔ چار سے چھ عدد
مشرومز۔۔۔۔۔۔۔۔۔۔۔ دو سے تین عدد
میدہ۔۔۔۔۔۔۔۔۔۔۔۔۔۔ حسب ضرورت
ڈبل روٹی کا چورا۔۔۔۔۔۔۔۔۔۔ حسب ضرورت
آئل۔۔۔۔۔۔۔۔۔۔۔۔۔۔۔ تلنے کے لئے

چکن بریسٹکو دھو کر اچھی طرح خشک کر لیں اور درمیان سے چیرا لگا کر رکھ لیں۔
ہری مرچوں کو پیچ کر رکھ لیں،اجوائن اور تھائم کو توے پر ہلکا سا بھون لیں۔
پرمیسان چیز میں آدھی پیالی چیڈر چیز،نمک،لہسن،کالی مرچ اور ہری مرچ ڈال کر اچھی طرح ملا کر پیسٹ بنا لیں۔
آدھی پیالی میدے میں پانی کا چھینٹا دیتے ہوئے گاڑھا پیسٹ بنالیں،پہلے چکن بریسٹ کو اس میں ڈپ کر لیں پھر اسے ڈبل روٹی کے چورے میں لتھیڑ لیں۔
کڑاہی میںآئل کو درمیانی آنچ پرتین سے چار منٹ گرم کریں اور چکن بریسٹ کو تیز آنچ پر دو سے تین منٹ فرائی کر کے نکال لیں۔
پھر اوون کو ایک سو پچاس ڈگری پر پندرہ منٹ پہلے گرم کر لیں اور ان چکن بریسٹ کو چکنی ی ہوئی ٹرے میں پندرہ سے بیس منٹ کے بیک کرنے رکھ دیں تاکہ چکن اچھی طرح گل جائے۔
اس کا ساس بنانے کے لئے دو کھانے کے چمچ آئل میں ایک کھانے کا چمچ میدہ ڈال کر بھونیں،جب خوشبو آنے لگے تو اس میں باریک کٹے ہوئے مشرومز ڈال دیں۔
تھوڑی تھوڑی کر کے چکن کی یخنی ڈالتے ہوئے گا ڑھا ہونے تک پکائیں اور چولہے سے اتار کر حسب پسند نمک اور کالی مرچ شامل کر لیں۔