Aloo Pulao Recipe in Urdu

Aloo Pulao

آلو کا مزیدار پلاو

اجزاء:
کھانا بنانا کوئی مشکل بات نہیں ہے اب تو ہر کوئی سب ہی کچھ پکا لیتا ہے مگر سب سے اہم وقت ہے کیونکہ سکون و اطمینان سے بنایا گیا کھانا جلدی جلدی کے کھانوں سے زیادہ ذائقہ دار اور اچھا بنتا ہے۔

مگر بعض اوقات وقت کی کمی کی وجہ سے ہمیں جلدی جلدی کھانا بنانا پڑ جاتا ہے جو کئی ایک مرتبہ اچھا بہت اچھا بھی بن جاتا ہے اور اکثر ذرا نمک، مرچ کا امتزاج صحیح بیٹھ نہیں پاتا ہے جوکہ کھانے والوں کو سمجھ میں نہیں آتا۔

بہر حال اگر آپ کے پاس بھی کبھی وقت کم ہو اور پکانی ہو پلاؤ تو جناب آپ گھبرائیں نہیں کیونکہ صرف اور صرف 5 منٹ میں پلاؤ کی ترکیب آج ہم آپ کو دے رہے ہیں تاکہ کم وقت میں بھی آپ کے ہاتھ سے ذائقہ نہ چھوٹے اور کھانا بھی ایسا تیار ہو کہ سب تعریفیں کرتے رہ جائیں۔
• چاولوں کو نیم گرم پانی میں بھگو دیں اس سے یہ جلدی بھیگ جاتے ہیں اور جلدی پھر گل بھی جاتے ہیں باآسانی تو کبھی کم وقت ہو تو اس طرح جلدی سے بھیگا لیں۔

• پیاز، ٹماٹر، لیموں، آلو اور ہری مرچ کو کاٹ لیں اور ادرک لہسن کا جلدی سے پیسٹ تیار کرلیں اور اگر تیار ہے تو فریج سے نکال لیں۔

• ایک پین میں آئل گرم کرکے آلوؤں کو فرائی کرلیں۔

• ایک پتیلی میں آئل ڈال کر اس کو گرم کریں پھر اس میں ہلدی، دھنیا، لال مرچ پاؤڈر، زیرہ، کالی مرچ، تیز پات، لونگ، بادیان کا پھول، اجینو موتو پاؤڈر ڈال کر اچھی طرح مصالحہ بھون لیں۔

• پھر اس میں کٹی ہوئی پیاز، ٹماٹر اور ہری مرچیں ڈال کر تھوڑی دیر ڈھکن دیں۔

• اب بھیگے ہوئے چاولوں کو دھو کر پتیلی میں ڈالیں اور چاول سے ایک حصہ کم پانی ڈال کر آنچ تیز کرکے ڈھکن ڈھک دیں۔

• تین منٹ بعد بھاپ نکلنے لگے گی اس وقت آپ دم لگا دیں۔

• لیجئیے جھٹ پٹ 5 منٹ میں ہوگیا آپ کا ذائقہ دار پلاؤ تیار۔

• اب اوپر سے لیموں اور فرائی آلوؤں کو چاولوں پر ڈال دیں اور کیچپ کے ساتھ سرو کریں۔

اب سے آپ بھی اس 5 منٹ کی پلاؤ ریسیپی کو اپنائیں اور گھنٹوں کی محنت سے بچیں۔

Posted By: Syeda Kiran Zahra , Karachi

Find out the Aloo Pulao Recipe in Urdu this is the most easy and traditional cooking recipe in all the Rice, Biryani, & Pulao. Aloo Pulao is very famous in desi people. At KFoods you can find Aloo Pulao and all the urdu recipes in a very easiest way.

Aloo Pulao

Aloo Pulao in Urdu is an easy and traditional cooking recipe to prepare at home. It provides you an awesome taste of Rice, Biryani, & Pulao.

مزید چاول٬ بریانی اور پلاؤ ریسیپیز

Reviews & Comments

Leave Comment