Jild Ko Chamakdar Banane Wala Kehwa

ڈاکٹر بلقیس نے بتایا ایسا قہوہ بنانے کا طریقہ جو سردیوں میں جلد کو چمکدار بنانے کے ساتھ وزن کم کرکے کرے آپ کی بڑی مشکل آسان
سردی میں لوگ مزیدار پکوان اور حلوے وغیرہ کھانا پسند کرتے ہیں اس کے علاوہ بھی ایسی کئی غذائیں جیسے کہ پائے اور سوپ وغیرہ کا استعمال کیا جاتا ہے جو جسم کو گرمائش تو دیتا ہے لیکن ساتھ ہی وزن بھی بڑھا دیتا ہے۔ اس مسئلے سے بچنے کے لئے ڈاکٹر بلقیس نے ایک مزیدار قہوہ تیار کرنے کا طریقہ بتایا ہے۔ قہوے کے اجزاء اور بنانے کا طریقہ اس قہوے کو بنانے کے لئے دو گلاس پانی میں دار چینی ڈال کر ابالیں اس کے بعد اس میں تھڑی سی لیمن گراس ڈالیں اور تھوڑی دیر پکا کر چولہا بند کردیں۔ اس کے بعد ٢٥ سے ٣٠ پتیاں کرش کر کے پودینہ اور ادرک ڈالیں۔ اب ایک بڑا لیموں کا رس نچوڑ کر الگ کر لیں اور چھلکا دیگچی میں ڈال دیں ۔ اس کے ساتھ ہی تھائم اور اگر تھائم نہ ہو تو تلسی دیگچی میں ڈالیں اور ٥ منٹ تک دم پہ رکھ دیں۔ اب اگر چاہیں تو ایک ساشے گرین ٹی کپ میں رکھ دیں اور دیگچی والا قہوہ چھان کر نکال لیں۔ قہوے کے فائدے اس خاص قہوے سے کھانا جلدی ہضم ہوگا اس کے علاوہ یہ وزن میں کمی اور جلد کو صاف شفاف بنانے میں بھی اپنا کردار ادا کرتا ہے۔ قہوے کے تمام اجزاء قدرتی ہیں اور ہر جز کا صحت اچھی رکھنے میں اہم کردار ہے اس لئے اگر سردی میں اس قہوے کا استعمال کیا جائے تو گلے کے درد اور نزلے کے علاوہ بہت سے مسائل سے بچا جاسکتا ہے۔ نوٹ اس قہوے میں نہ ہی شہد ملانا ہے اور نہ ہی چینی۔