How to Get Oil Free Skin

آئلی جلد کی وجہ سے میک اپ بہہ جاتا ہے تو جانیئے گھر میں موجود صرف یہ ایک چیز کیسے آپ کی جلد کو آئل فری بنا سکتی ہے؟
خوبصورت نظر آئیں اور جو بھی میک اپ کریں وہ چہرے پر لمبے اور طویل عرصے کے لئے لگا رہے، کہیں سے نہ اترے، یہ تو آپ بھی سوچتی ہوں گی اور یقیناً اس کے لئے آپ نے واٹر پروف میک اپ خرید لیا ہوگا مگر سب سے ضروری اور اہم بات یہ ہے کہ وہ لوگ جن کی جلد آئلی ہے وہ کتنے ہی اچھے پراڈکٹس کا میک اپ استعمال کریں، جلد پر آئل کی وجہ سے وہ بہہ جاتا ہے اور جلد کی دو پرتیں بننے لگتی ہیں۔
آپ بھی انہی مسائل کا شکار ہیں تو کے-فوڈز میں آج جانیئے بہترین ٹپ جو کرے جلد کی دو ٹونز کا خاتمہ اور بنائے آپ کے چہرے کو آئل فری۔

ٹپ:
٭ ایک چمچ ملتانی مٹی اور دو چمچ بینٹونیٹ مٹی (خوردنی مٹی جو کہ پانی میں حل کر جیلی نما بن جاتی ہے، ملتانی مٹی کی ہی ایک قسم ہے جو پنسار کی دکان سے باآسانی دستیاب ہے۔)
٭ ان میں ایک چمچ سیب کا سرکہ اور دو چمچ لیموں کا رس مکس کریں اور 5 منٹ کے لئے چھوڑ دیں۔
٭ پھر اس کو چہرے پر 15 منٹ کے لئے لگا کر چھوڑ دیں تاکہ خُشک ہو جائے۔
٭ اب سادے پانی سے چہرہ دھو ئیں۔
٭ اس ٹپ کا استعمال آپ روزانہ بھی کر سکتی ہیں اس سے چہرے کو کوئی نقصان نہیں ہوگا۔

فائدہ کیوں؟
٭ بینٹونیٹ مٹی میں منرلز، کیلشیئم، میگنیشیئم، آئرن اور لیڈ سلفیٹ پائے جاتے ہیں جس کی وجہ سے ہماری جلد کو صاف اور چمکدار بنانے کا کام کرتی ہے۔ یہ جلد کے اضافی آئل کو کنٹرول کرنے کے ساتھ ساتھ ایکنی کے مسئلے کو بھی کنٹرول کرتی ہے اور کھلے مساموں کے اندر سے گندگی کو نکال باہر کرتی ہے تاکہ جلد کے خلُیات صاف رہیں اور خون کی روانی بھی بہتر ہو۔