گھر میں قدرتی اسکن ٹونر کیسے بنایا جا سکتا ہے؟ جانیئے وہ طریقہ جو دے آپ کی جلد کو ایک قدرتی چمک اور نکھار
اکثر خواتین چہرے کے مسائل کو دور کرنے اور جلد کو جوان رکھنے کے لئے بازار سے مہنگے مہنگے اسکن ٹونر خریدتی ہیں جو نہ صرف مہنگے ہوتے ہیں بلکہ کیمیکل سے بھی بھرپور ہوتے ہیں جس سے جلد وقتی طور پر تو اچھی ہو جاتی ہے مگر اندرونی طور پر خراب ہو جاتی ہے۔
آج ہم آپ کو بتائیں گے گھر میں ایک ایسا جادوئی اسکن ٹونر بنانے کا طریقہ جو ہوگا کیمیکل سے بلکل پاک اور آپ کی خوبصورتی میں اضافہ کرتے ہوئے جلد کو جوان بنائے گا۔
• گھر میں بہترین اسکن ٹونر بنائیں اور چمکدار جلد پائیں
• ایلوویرا اور گلاب
ایلو ویرا اور گلاب دونوں آپ کی جلد کے لیے حیرت انگیز کام کرتے ہیں، یہ ٹونر مہاسوں والی جلد کے لیے بھی اچھا ہے، ایلوویرا جلد کے مختلف مسائل کو حل کر سکتا ہے جبکہ گلاب کا پانی آپ کی جلد کو ہائیڈریٹ کرنے کے ساتھ ساتھ جلد کے مسائل کو روک سکتا ہے، یہ دونوں عام طور پر جلد کی دیکھ بھال کی مصنوعات میں استعمال ہونے والے اجزاء ہیں آپ یہ سادہ اور گھریلو ٹونر ایلو ویرا اور گلاب کی پتیوں سے تیار کر سکتے ہیں۔
ایلوویرا اور گلاب سے اسکن ٹونر بنانے کا طریقہ
ایک پیالے میں تازہ ایلوویرا جیل نکال لیں، اب ایک پین میں 6 سے 8 گلاب کی پتیوں کو پانی ملا کر بلینڈ کر لیں اور پیسٹ بنا لیں، اب اس مکسچر کو ایلوویرا جیل میں شامل کریں اور اچھی طرح مکس کریں پھر اس میں کوئی بھی اچھا اسنشئیل آئل شامل کریں اور ان تمام اجزاء کو پھر سے بلینڈر میں پیس لیں، اس اب ٹونر میں حسبِ ضرورت پانی ملا کر کسی اسپرے بوتل میں بھر لیں۔
جب آپ فیس ماسک استعمال کریں یا کلینزنگ کریں تو اس کے بعد یہ ٹونر چہرے پر چھڑک لیں، یہ نہ صرف کیمکل سے پاک ہے بلکہ جادوئی نتائج بھی دے سکتا ہے۔
In Beauty Tips and Totkay section you can check Ghar Main Skin Toner Banane Ka Tarika in most easiest way. Find Ghar Main Skin Toner Banane Ka Tarika in urdu totkay only at kfoods. At this page you can find Ghar Main Skin Toner Banane Ka Tarika totka in details also check the relevant totkay in Urdu of Ghar Main Skin Toner Banane Ka Tarika.