Chehry Ki Ronaq Barhane Ka Tarika

چہرے کی رونق بڑھانا چاہتی ہیں اور خوبصورت نظر آنا چاہتی ہیں تو ہرے دھنیے کی یہ خاص کریم بنانے کا طریقہ اور آپ کی خوبصورت میں چار چاند لگانے والے اس کے فوائد بھی جانیں
ہرادھنیا خواتین عموماً چٹنیاں بنانے اور سالن کی گارنشنگ کے لئے استعمال کرتی ہیں مگر ایک نظر ذرا بیوٹی کی طرف بھی ڈالیں تو آپ کو اندازہ وہگا کہ یہ آپ کی خوبصورتی میں کتنا فائدہ کرسکتا ہے۔
ہرے دھنیے میں وٹامن اے ، سی، کے، کیلوریز، بیٹا کیروٹن اور معدنیات پائی جاتی ہیں جو اس کو آپ کی صحت کے ساتھ ساتھ خوبصورتی کو بڑھانے کا ذریعہ بھی بنتا ہے۔ تو چلیں آج ہی آپ ہرے دھنیے سے بنی یہ کریم بنائیں اور ہفتے بھر میں اس کا رزلٹ پاکر اس کو مستقل استعمال کریں:

کریم بنانے کا طریقہ:
• ایک گھٹی ہرا دھنیا توڑ لیں اور دھو کر کچھ دیر چھوڑ دیں تاکہ خشک ہوجائے۔
• اس کے بعد اس کو ایک بلینڈر میں ڈالیں اور ساتھ ہی اس میں چار چمچ عرقِ گلاب شامل کرکے بلینڈ کرلیں۔
• جب پیسٹ تیار ہوجائے تو اس میں ایک سے دو چمچ شہد اور دو چمچ گلیسرین ڈال کر خوب مکس کرلیں۔
• دو چمچ ایلویرا جیل اور وٹامن ای ڈال کر خوب مکس کرلیں۔
• اب اس کو ایک بوتل میں بھرلیں۔

فوائد:
اس کریم کو لگانے سے آپ کی جلد کی کھوئی ہوئی رنگت، ایکنی، داغ دھبے، کالے گھیرے، پگمینٹیشن، فائن لائنز، جھریوں اور اینٹی ایجنگ اثرات کنٹرول کرنے میں مدد ملتی ہے۔

استعمال کا طریقہ:
اس کو آپ روزانہ دن میں دو مرتبہ چہرے یا جلد پر لگائیں اور مساج کریں پھر پندرہ منٹ تک چھوڑ دیں بعد میں سادے پانی سے دھولیں۔