ندا خالہ آپ کارٹون نیٹ ورک پر پروگرام کریں.. ندا یاسر کے الزام پر وقار ذکا بھڑک اٹھے! غصے میں ویڈیو بنا کر کیا کہہ ڈالا؟

"میری خالہ میری بہن ندا یاسر آپ مجھ سے 14 سے 15 سال بڑی ہیں اس لیے بخدا میں آپ کی دل سے عزت کرتا ہوں لیکن آپ کو ٹی وی شوز کی میزبانی ختم کردینی چاہیے. یہ موقع کسی اور کو دیں. میرے خیال سے آپ کو چینل پر کارٹون جیسا کوئی پروگرام شروع کردینا چاہیے. صبح خواتین کے اہم وقت کو کیوں خراب کر رہی ہیں؟"

غصے میں کہے یہ الفاظ وقار ذکا کے ہیں جنو‌ں نے ندا یاسر کے ایک انٹرویو میں اپنے خلاف دیے گئے بیان پر ویڈیو بنا کر سوشل میڈیا ویب سائٹ ایکس پر پوسٹ کی ہے. وقار ذکا کافی غصے میں نظر آ رہے ہیں. ویڈیو دیکھیں

ندا یاسر کے اپنے خلاف مہم چلانے کے الزام کے جواب میں وقار ذکا کا کہنا ہے کہ انہیں مارننگ شو کی میزبانی چھوڑ کر کارٹون نیٹ ورک جیسا کوئی پروگرام شروع کردینا چاہیے. ان کی فارمولا ون والی ویڈیو بھارت کی نیوز میں چلی تھی مذاق اڑایا گیا تھا. ان کا آئی کیو لیول کم ہے.

واضح رہے کہ معروف میزبان ندا یاسر نے تابش ہاشمی کے پروگرام ہنسنا منع ہے میں شرکت کرتے ہوئے کہا تھا کہ وقار ذکا نے ان کے خلاف مہم چلائی اور مارننگ شو کی میزبانی سے ہٹانے کی کوشش کی تھی۔ ان کا کہنا تھا کہ وقار ذکا نے ٹی وی چینل کے سربراہان کو ای میل کی کہ وہ مجھے نکال دیں، مجھے نہیں معلوم میں نے ان کا کیا بگاڑا ہے"

وقار ذکا نے اپنی ویڈیو میں ندا یاسر پر برہم ہوتے ہوئے کہا کہ عورت اگر ایسی چالاکی کرے تو کیا انہیں بےنقاب نہیں کرنا چاہیے؟ کسی اور مرد کا نام خراب کرکے لوگوں سے ہمدری حاصل کی جارہی ہے۔ ندا یاسر کو چاہیے کہ اگر ان کو لوگ دیکھ ہی رہے ہیں تو اپنی گرومنگ ہی کرلیں.