نکل جاؤ کمرے سے۔۔ شعیب اختر نے کترینہ کیف کی بات سن کر ساتھی کھلاڑیوں کو باہر کیوں نکالا تھا؟ وہاب ریاض کا انکشاف

پاکستان سابق سپر اسٹار فاسٹ بولر وہاب ریاض نے حال ہی میں یہ انکشاف کیا ہے کہ بھارتی اداکارہ کترینہ کیف شعیب اختر کی دوست ہیں۔

ایک شو میں بطور مہمان شرکت کرنے والے وہاب ریاض نے ماضی میں دورہ نیوزی لینڈ کا ایک دلچسپ قصہ ناظرین کے ساتھ شیئر کیا۔

انہوں نے بتایا کہ، دورہ نیوزی کے موقع پر ہم ہوٹل میں قیام پذیر تھے، اور ایک دن ہم کچھ کھلاڑی شعیب اختر کے کمرے میں کھانا کھانے گئے۔ وہاں ٹی وی کترینہ کیف کا مشہور گانا "شیلا کی جوانی" چل رہا تھا، جسے دیکھ کر شعیب نے ہم سے کہا کہ 'کترینہ سے میری بہت اچھی دوستی ہے'۔

وہاب ریاض کا کہنا تھا کہ، یہ بات سن کر محمد حفیظ ایک دم حیران رہ گئے اور چونک کر کھانا کھاتے ہوئے رک گئے جیسے کہ ان کو اس بات پر بلکل بھروسہ نہ ہوا ہو۔

پھر جب شعیب نے دیکھا کہ ہم میں سے کسی کو اس کی بات پر یقین نہیں آرہا تو اس نے ہمیں یہ کہتے ہوئے کمرے سے باہر نکال دیا کہ "تم لوگ مجھے جھوٹا سمجھتے ہو۔"

وہاب ریاض کا کہنا تھا کہ، شعیب اختر کافی سال بھارت میں آئی پی ایل کے دوران شاہ رخ خان کی ٹیم کا حصہ رہے تو ان کی بالی ووڈ کے کئی نامور اداکاروں اور اداکاراؤں سے دوستی ہے، وہ جھوٹ نہیں کہہ رہے تھے۔