شادی کے بعد عورتیں میرے شوہر کے پیچھے پڑ گئیں ۔۔ اشنا شاہ کے انکشافات نے سوشل میڈیا صارفین کو حیرت میں ڈال دیا

شوبز انڈسٹری کی معروف اداکارہ اشنا شاہ نے حال ہی میں ایک انٹرویو دیا جس میں انہوں نے حیرت انگیز انکشافات کیے۔

اشنا شاہ نے کہا کہ ان کی شادی کے بعد ان کے خاوند کو شہرت ملی تو عورتیں پیچھے ہٹنے کے بجائے بے غیرتوں کی طرح ان کے پیچھے پڑ گئیں۔

اشنا شاہ نے فروری 2023 میں معروف گالفر حمزہ امین سے شادی کی تھی، جس کے بعد وہ کچھ ماں کے لیے ڈرامائی اسکرین سے غائب ہوگئیں تھیں۔

اداکارہ کی پوڈکاسٹ کی وائرل ہونے والی ایک ویڈیو میں وہ لڑکوں اور لڑکیوں کے مابین تعلقات سمیت شادی اور دیگر معاملات پر گفتگو کرتی دکھائی دیں۔

وائرل ہونے والی ویڈیو میں اشنا شاہ بتاتی نظر آتی ہیں کہ زیادہ تر لڑکے دھوکے باز ہوتے ہیں، وہ لڑکیوں کے دل توڑتے ہیں۔

اداکارہ نے اعتراف کیا کہ انہوں نے بھی بہت سارے لڑکوں کے دل توڑے، ساتھ ہی انہوں نے مسکراتے ہوئے کہا کہ ان کی ایسی باتیں کسی نہ کسی کو ان کے شوہر کو بتانی چاہیے تھیں۔

اشنا شاہ کا کہنا تھا کہ کسی کو ان کے شوہر کو بتانا چاہیے تھا کہ وہ ان سے پہلے ایسے کام کرتی رہی ہیں۔

وائرل ہونے والی ویڈیو میں اشنا شاہ نے یہ دعویٰ بھی کیا کہ جب ان کی شادی ہوئی تو ان کے شوہر کے موبائل فون کا کوئی پاس ورڈ نہیں تھا، انہوں نے شوہر کو پاس ورڈ لگانے کا کہا۔

اداکارہ نے بتایا کہ شوہر نے اپنے فون پر ان کے چہرے کا لاک اسکرین بھی لگایا ہوا ہے۔

انہوں نے کہا کہ ان کے شوہر کے مقبول ہونے کے باعث خواتین کو ان سے دور رہنا چاہیے تھا لیکن حیران کن طور پر عورتیں اور ’بے غیرت‘ ہوگئیں۔

اسی بات پر اشنا شاہ مسکراتی دکھائی دیں اور کہتی ہیں کہ خواتین ان کے شوہر سے یہ جھوٹ بھی بولتی ہیں کہ انہوں نے پہلے ان کی بیوی کو بھی میسیج کیا تھا۔

اداکارہ کی وائرل ہونے والی ویڈیو پر لوگوں نے کمنٹس کرتے ہوئے جہاں ان کی تعریفیں کیں، وہیں کئی صارفین ان پر تنقید بھی کرتے دکھائی دیے۔