بڑھاپا آگیا لیکن عقل نہیں آئی! ناچ گانے پر ماشاءاللّٰہ کیوں کہا؟ صارفین بشریٰ انصاری پر آگ بگولہ

Netizen Slams Bushra Ansari On Praising Zara Noor Dance

پاکستان کی سینئر فنکارہ بشریٰ انصاری ایک بار پھر خبروں میں ہیں، لیکن اس بار وجہ ان کی کوئی شاندار پرفارمنس یا طنزیہ کردار نہیں بلکہ ایک عام سا تبصرہ ہے جو انہوں نے اپنی بھانجی زارا نور عباس کی ویڈیو پر کیا۔

ہوا کچھ یوں کہ زارا نور عباس، نے انسٹاگرام پر ایک ویڈیو شیئر کی جس میں وہ کلاسیکی رقص کی مشق کرتی نظر آئیں۔ ویڈیو کے ساتھ ایک دل کو چھو لینے والا کیپشن بھی تھا، جس میں زارا نے بتایا کہ، "ماں بننے کے بعد وہ اپنے تخلیقی اظہار سے دور ہوتی جا رہی تھیں، لیکن اب وہ واپس خود کو دریافت کرنا چاہتی ہیں۔"

ویڈیو کے کمنٹس میں، بشریٰ انصاری نے فخر سے اپنی بھانجی کو سراہتے ہوئے لکھا، "یہ ہوئی نہ بات! پلیز اب اسے روکنا نہیں، ہفتے میں ایک بار مجھے یہ دیکھنا ہے، ماشاءاللہ۔"

بس پھر کیا تھا؟ سوشل میڈیا پر ایک طوفان آ گیا۔ کچھ صارفین کو رقص سے زیادہ مسئلہ اس بات سے ہوا کہ بشریٰ انصاری نے ماشاءاللہ جیسے مقدس لفظ کا استعمال ایک رقص کی ویڈیو کے لیے کیا۔

۔ کسی نے لکھا، گناہ پر پردہ ڈالنا اور بات ہے، لیکن اس کی تعریف کرنا اور پھر ماشاءاللہ کہنا؟ یہ تو بے حیائی کا پرچار ہے۔

۔ تو کسی نے طنز کرتے ہوئے کہا، شیطان بھی ماشاءاللہ سن کر کنفیوز ہو گیا ہوگا۔

۔ ایک نے کہا، لڑکی سرعام ناچ رہی ہے اور یہ بڈھی آنٹی ماشاءاللٰٗہ کہہ رہی ہے۔

یاد رہے بشریٰ انصاری کا انداز ہمیشہ بے باک اور تخلیقی رہا ہے، لیکن سوشل میڈیا پر اب شاید ہر لفظ ناپ تول کے بولنے کا وقت آ گیا ہے۔