میں ماں کے پیٹ میں تھی لوگوں نے کہا یہ بچہ ضائع کردو۔ شلپا شیٹھی کا نجی زندگی کے حوالے سے انکشاف

“میرا ماننا ہے کہ میری زندگی کا کوئی خاص مقصد ہے کیونکہ جب میں پیٹ میں تھی تو لوگوں نے ماں کو ابارشن کروانے کا مشورہ دیا تھا۔ سب کو لگتا تھا کہ میری جگہ مردہ بچہ پیدا ہوگا لیکن میں پیدا ہوگئی“

یہ کہنا ہے شلپا شیٹھی کا جنھوں نے اپنی والدہ اور نجی زندگی سے متعلق چند انکشافات کیے ہیں۔ معروف بھارتی اداکارہ نے بتایا کہ جب ان کی والدہ حاملہ ہوئیں اور شلپا پیدا ہونے والی تھیں تب وہ بہت تکلیف میں تھیں۔ ان کو مسلسل بلیڈنگ ہورہی تھی۔ جس کی وجہ سے ناصرف لوگوں نے بلکہ ڈاکٹر نے بھی انھیں ابارشن کروانے کا مشورہ دیا۔ کیونکہ حمل میں پیچیدگیوں اور بہت زیادہ خون بہہ جانے کی وجہ سے بچے کے زندہ بچ جانے کے امکانات تو بہت کم تھے لیکن ماں کی جان کو بھی خطرہ ہوسکتا تھا۔

شلپا نے بتایا کہ ان کی والدہ نے بڑے ہونے کے بعد انھیں بتایا کہ وہ ڈرتی تھیں کہ ان کا بچہ ضائع ہوجائے گا لیکن تکلیفوں کے باوجود انھوں نے ابارشن نہیں کروایا۔

شلپا کا کہنا ہے کہ وہ اپنا زندہ بچ جانا ایک معجزہ سمجھتی ہیں اور ان کو لگتا ہے کہ یہ زندگی کسی خاص مقصد کی وجہ سے ملی ہے۔ یہی وجہ ہے کہ وہ لوگوں کی حوصلہ افزائی کرتی ہیں اور انھیں مفید مشورے دیتی ہیں تا کہ ایسے لوگوں کو حوصلہ دے سکیں جو مشکل وقت سے گزر رہے ہیں۔