شوہر کے انتقال کے بعد پہلی خوشی گھر آئی ہے۔۔ شگفتہ اعجاز نانی بن گئیں! نواسے کا کیا نام رکھا؟

پاکستانی سینئر اداکارہ شگفتہ اعجاز نے اپنی بیٹی حیا طلحہ کے ہاں بیٹے کی آمد کا اعلان کرتے ہوئے اپنی خوشی مداحوں کے ساتھ شیئر کی۔ اداکارہ نے انسٹاگرام پر آسمانی رنگ کے مٹھائی کے ڈبے کی تصویر شیئر کی جس پر لکھا تھا "اٹس آ بوائے" اور کیپشن میں سادگی سے لکھا، "الحمداللہ"۔

اس اعلان کے ساتھ شگفتہ اعجاز نے اپنی خوشی کا اظہار کیا کہ ان کے خاندان میں خوشیوں کا اضافہ ہوا ہے۔ چند تصاویر کے ذریعے حیا طلحہ نے بھی اپنے انسٹاگرام پر بیٹے کی پیدائش کا اعلان کیا، جس میں ان کے شوہر طلحہ چوہدری بیٹے کو گود میں لیے مسکراتے دکھائی دیے۔ حیا نے لکھا، "ہمارا بیٹا ہمارے ساتھ ہے، یقین نہیں آرہا کہ ہم والدین بن گئے ہیں، ماشاءاللہ۔ ہمیں اپنی دعاؤں میں یاد رکھیے گا۔"

حیا طلحہ نے اپنے بیٹے کا نام "کیان یحییٰ چوہدری" رکھا، اپنے نانا کے نام پر، جسے انہوں نے اپنے والد کے لیے محبت اور عقیدت کا ذریعہ قرار دیا۔ ان کا کہنا تھا، "کیان یحییٰ اپنے چاہنے والوں کی محبت سے گھرا ہوا ہے اور نانا جنت سے اسے دیکھ کر مسکرا رہے ہیں۔"

یاد رہے کہ حیا طلحہ کی منگنی 2021 میں طلحہ چوہدری سے ہوئی تھی، اور ایک سال بعد دونوں رشتہ ازدواج میں منسلک ہوئے۔