سردرر کیوں ہوتا ہے؟ اس کو ختم کرنے کے چند آسان نسخے جانیں

سردرد سننے میں بہت عام ہے کیونکہ بچے ہوں یا بڑے سب کو آجکل ہر دوسرے دن سر درد کی شکایت رہتی ہے۔ لیکن اگر آپ غور کریں تو سر درد کوئی مسئلہ نہیں ہے اس کی کئی ایک وجوہات ہوسکتی ہیں جو شروع میں ہمیں معلوم نہیں چلتی لیکن جب پتہ چلتا ہے تو یقیناً بہت دیر ہوچکی ہوتی ہے۔

وجوہات:
• سر درد دماغی تناؤ، ڈپریشن اور زیادہ سوچنے کی وجہ سے بھی ہوتا ہے۔
• تھکان اور مستقل دماغ کے چلنے سے بھی سر درد ہوتا ہے اس لئے دن میں کچھ وقت آرام کرنے کے لئے کہا جاتا ہے۔
• مستقل سر درد رہنے کی وجہ فالج بھی ہوتا ہے جوکہ فوری نہ ہو تو اچانک آپ پر حملہ کرتا ہے۔
• بخار میں بھی اکثر سردرد کی تکلیف ہوجاتی ہے۔
• ناک بند ہونے کی وجہ سے بھی سر درد ہوتا ہے۔
• جسم میں پانی کی کمی کی وجہ سے بھی سردر کی شکایت ہوجاتی ہے اور چکر آنے لگتے ہیں۔
• موسم اور ہوا کے دباؤ میں تبدیلی کی وجہ بھی سر درد کی شکایت کی ایک بڑی وجہ ہوتی ہے۔
• چائے اور کافی کا زیادہ استعمال اب لوگوں کی عادت بن گئی ہے اور جب یہ دونوں چیزیں نہ ملیں تو سر درد لازمی بڑھنے لگتا ہے۔

سر درد کو ختم کرنے کے گھریلو نسخے:
سر درد کئی ایک طرح سے ختم کیا جاسکتا ہے جس میں چند یہ ہیں:
• ایک گلاس سادہ پانی پیئیں اور لمبے سانس لیں چلیں پھریں۔
• پیپرمنٹ آئل کی مالش سردر سے نجات کا ایک اہم نسخہ ہے۔
• کھانے میں ادرک کا استعمال بڑھا دیں اس سے بھی آپ کو سر کر درد میں فائدہ ہوگا۔
• ماتھے پر ادرک ملے نیم گرم پانی کی مالش کرنے سے بھی درد ختم ہو جاتا ہے ۔
• سیب کے سرکے کو گرم کرکے اس کی بھاپ لیں یہ دماغ کے پٹھوں کو آرام پہنچانے میں آپ کی مدد کرے گا۔
• سونف کو چبانے سے بھی سر درد میں راحت ملتی ہے۔