بچے بڑے ہوجائیں گے پر مائیں نہیں۔۔ اس سال ایمن منال نے کون سی سالگرہ منائی؟ عمر جان کر صارفین پر ہنسی کے دورے

Netizens Make Fun Of Aiman Khan And Minal Khan Birthday Celebration

شوبز کی مقبول جڑواں بہنیں ایمن خان اور منال خان بچپن سے ہی روشنیوں میں رہی ہیں۔ دونوں نے کم عمری میں بطور چائلڈ آرٹسٹ اپنا سفر شروع کیا اور اسکرین کے سامنے ہی بڑی ہوئیں۔ آج دونوں شادی شدہ ہیں اور ماں بن چکی ہیں۔ ایمن خان تین بیٹیوں کی والدہ ہیں جبکہ منال خان کے گھر ایک بیٹا ہے۔

حال ہی میں ایمن اور منال نے اپنی 27ویں سالگرہ فیملی کے ساتھ سادگی مگر محبت بھرے ماحول میں منائی۔ دونوں بہنیں ایک جیسے سیاہ لباس میں بےحد خوبصورت لگ رہی تھیں، کیک کاٹا گیا، قہقہے گونجے اور ہر طرف پیار بھرا ماحول تھا، جہاں ان کے شوہروں، بہن بھائیوں اور سب سے بڑھ کر اُن کے ننھے مُنّے بچوں نے بھی خوشی میں حصہ لیا۔

ایک طرف جہاں سوشل میڈیا صارفین نے ایمن منال کو ان کی سالگرہ کی مبارک باد دی وہیں دوسری طرف ان کی عمر کو لے کر خوب مذاق بنایا گیا۔

ایک صارف نے لکھا، ان ننھی کاکیوں کو سالگرہ منانے سے فرصت ہی نہیں ملتی ہے۔ جس پر دوسرے نے مذاق اڑاتے ہوئے کہا، اتنی سالگرہ منانے کے باوجود یہ بڑی نہیں ہوتی ہیں۔

ایک نے حیران ہو کر پوچھا، یہ دونوں اب تک 27 تک ہی پہنچی ہیں؟

جبکہ بہت سارے لوگوں کا یہ کہنا تھا کہ، یہ دونوں بہنیں سالوں سے 20 کے بیچ ہی گھوم رہی ہیں، نا جانے کب یہ 30 کو پہنچیں گی۔