دنیا بھر کے لوگ اپنی کافی میں نمک کیوں ڈال رہے ہیں؟ آپ بھی یہ کریں اور فائدہ اٹھائیں

کافی ایک ایسی جادوئی چیز ہے جس کو پی کر دنیا کے لاکھوں لوگ اپنے دن کا آغاز کرتے ہیں- کچھ لوگوں کے لیے ایک کپ کافی کے بغیر دن گزارنا بھی ناممکن ہے- کافی صرف ایک مشروب نہیں ہے بلکہ یہ زندگی کا اہم ترین حصہ ہے جو سکون٬ توانائی اور توجہ دلاتی ہے-

یہ کوئی تعجب کی بات نہیں ہے کہ لوگ کافی پر اس قدر انحصار کرتے ہیں کہ یہ ان کے روزمرہ کے معمولات کا ایک اہم حصہ بن چکی ہے۔ چاہے وہ خوشبو ہو، ذائقہ ہو، یا کیفین، کافی تقریباً ہر ایک کے دل میں ایک خاص مقام رکھتی ہے۔

لیکن اب کافی سے محبت کرنے والوں میں ایک رجحان تیزی سے پروان چڑھ رہا ہے جو کچھ خاص اچھا نہیں ہے۔ اکثر لوگ اپنی صبح سویرے کی کافی میں نمک ڈال رہے ہیں۔ اگرچہ یہ عجیب لگ سکتا ہے، کہ کچھ کافی کے شوقین اس طرح اضافی نمکین شے کھا رہے ہیں۔

ان افراد کا دعویٰ ہے کہ اس سے ذائقہ بڑھتا ہے اور کافی کی کڑواہٹ کم ہوتی ہے جبکہ یہ رجحان پھیلتا جا رہا ہے، جو لوگ اپنی کافی میں نمک ملا کر اسے آزما رہے ہیں وہ اپنے اس عمل کی سوشل میڈیا پوسٹس اور ویڈیوز بھی شئیر کر رہے ہیں- ایسے افراد جو روزانہ کافی کے بغیر نہیں رہ سکتے، کافی میں نمک شامل کرنا ان کے لیے بڑی چیز ہوسکتی ہے کیونکہ اس طرح کافی کا روایتی ذائقہ تبدیل ہورہا ہے جو ان کے نزدیک ایک بڑا فائدہ ہے-

تفریح سے بھرپور حقائق

دنیا بھر میں لوگ ایک عرصے سے اپنی کافی میں نمک ملا رہے ہیں۔ ویتنام میں، لوگ میٹھے اور لذیذ ذائقے کے لیے نمکین کافی کو گاڑھا دودھ کے ساتھ ملا کر پیتے ہیں۔ سویڈش آرکٹک میں، مقامی لوگ اسے ایک قدم آگے لے جاتے ہیں اور اضافی ذائقے کے لیے کچھ نمکین گوشت یا پنیر ڈالتے ہیں۔ اور یہاں تک کہ امریکی بحریہ بھی دوسری جنگ عظیم کے دوران ناقص ہتھیاروں کی وجہ سے پیدا ہونے والی پریشانی اور غصے کا مقابلہ کرنے کے لیے اپنی کافی میں نمک ڈالتی تھی۔

لہٰذا، اگر آپ بھی کافی کے اسی پرانے معمول سے تنگ آچکے ہیں، تو نمک کو آزمائیں۔ اپنی صبح کی کافی کا پورا ذائقہ حاصل کرنے کے لیے آپ کو ایک چھوٹی چٹکی کی ضرورت ہو سکتی ہے۔ بس یاد رکھیں، اصل مقصد ذائقہ ہے، اس لیے تجربہ کرنے سے نہ گبھرائیں لیکن یہ بھی یاد رکھیں کہ روزمرہ کی غذاؤں میں نمک کی مقدار کو توازن میں رکھنا بھی ضروری ہے ورنہ صحت کے مسائل پیدا ہوسکتے ہیں-