ہنستی مسکراتی بالوں میں پھول لگائے یہ خوبصورت لڑکی، کون سی مشہور پاکستانی اداکارہ ہے؟

انسان زندگی کی دوڑ میں بھاگتے بھاگتے اتنا آگے نکل جاتا ہے کہ جب کبھی پیچھے مڑ کے اپنے بچپن کو دیکھتا ہے تو وہ وقت اسے کسی خوبصورت خواب کی طرح لگتا۔ یہ تصویر بھی کچھ ایسی ہی یاد سے جڑی ہے۔ کیا آپ جانتے ہیں اس تصویر میں موجود یہ ہنستی مسکراتی بالوں میں نارنگی رنگ کا پھول لگائے نو عمر لڑکی کون سی پاکستانی لیجنڈری اداکارہ ہے؟

اگر آپ اب بھی پہچان نہیں پائے تو ہم آپ کو بتاتے ہیں۔۔ یہ خوبصورت لڑکی اور کوئی نہیں بلکہ مشہور سینئیر اداکارہ عتیقہ اوڈھو ہیں۔

گزشتہ روز اداکارہ نے سوشل ویب سائٹ انسٹاگرام پر اپنے بچپن کی ایک تصویر شیئر کی اور ساتھ ہی نیچے کیپشن میں لکھا کہ، "خوشیوں اور مسرتوں سے بھرا میرا خوشگوار بچپن، میرے مرحوم والد کی جانب سے لی گئی میری ایک حیرت انگیز تصویر۔"

عتیقہ اوڈھو نے مزید لکھا ہے کہ، "کاش اس طرح کے معصومیت سے بھرے وقت میں، میں واپس جا سکتی۔" 55 سالہ عتیقہ اوڈھو نہ صرف ایک بہترین اداکارہ ہیں بلکہ ایک کاروباری شخصیت بھی ہیں اور ان کا اپنا ایک میک اپ برانڈ بھی ہے۔