دوستوں کے ساتھ باہر نہیں جاتا اور کھانا بھی بیوی کی پسند کا کھاتا ہوں.. منیب بٹ نے شادی کو کامیاب بنانے کے لیے اپنی قربانیوں کا ذکر کردیا

"دوستوں کے ساتھ باہر نہیں جاتا اور پہلے چائنیز نہیں کھاتا تھا اب اس لئے کھاتا ہوں کیونکہ بیوی کو پسند ہے. وہ لوگ جو کہتے ہیں کہ ہمیں شادی کے بعد تبدیل نہیں ہونا جیسے ہیں ویسے ہی کوئی ہمیں پسند کرے تو ایسا صرف فلموں میں ہوتا ہے"

یہ کہنا ہے اداکار منیب بٹ کا جنھوں نے ڈاکٹر شائستہ کے پروگرام میں شرکت کرتے ہوئے کامیاب شادی کے گر بتائے. شادی کے بعد کی زندگی کے بارے میں بتاتے ہوئے منیب کا کہنا تھا کہ ایمن خان سے شادی کے بعد انہوں نے اپنی زندگی کو مکمل طور پر تبدیل کردیا ہے. وہ ایمن سے گھر کے خرچے کے پیسے نہیں لیتے کیونکہ ایمن ان کے لیے ’ملکہ‘ ہیں۔ اگرچہ انھیں اس بات سے کوئی مسئلہ نہیں کہ میاں بیوی مل جل کر گھر چلائیں لیکن ہر گھر کا اپنا سیٹ اپ ہوتا ہے اور انھوں نے زندگی میں کبھی اپنی بیوی سے پیسے نہیں لیے.

منیب بٹ کا کہنا تھا کہ ان کی بیوی اور دونوں بیٹیاں ان کی ذمہ داری ہیں. اگر ایمن خان کام کرنا چاہتی ہیں تو یہ ان کی مرضی ہے لیکن بیوی کی ہر ذمہ داری پوری کرنا ان کا فرض ہے.

واضح رہے کہ اداکارہ ایمن خان اور منیب بٹ کی شادی نومبر 2018 میں ہوئی تھی جس کے بعد ایمن نے اداکاری چھوڑ دی اور 30 اگست 2019 کو ان کے ہاں پہلی بیٹی (امل) کی پیدائش ہوئی جبکہ 7 اگست 2023 کو دوسری بیٹی (میرال) پیدا ہوئی.