سنجے دت 20 سال سے میرے لئے رشتہ ڈھونڈ رہے ہیں۔۔ سنجے دت، امیشا پٹیل کی شادی کیوں کروانا چاہتے ہیں؟

“سنجے دت پچھلے 20 سالوں سے میری شادی کے لئے کوشش کررہے ہیں اور اچھا رشتہ تلاش کررہے ہیں وہ سب سے کہتے ہیں کہ یہ بچی ہے۔ اس کو کھلونے دو۔ اس کے دل تک پہنچنے کا یہی راستہ ہے“

یہ کہنا ہے بالی وڈ اداکارہ امیشا پٹیل کا جو حال ہی میں اپنی فلم غدر 2 کے ریلیز ہونے کے بعد دوبارہ سے لائم لائٹ کا حصہ بن گئی ہیں۔ ماضی میں شہرت کی بلندیوں کو چھونے والی امیشا فلم انڈسٹری میں کوئی خاص جگہ نہیں بنا سکیں اور چند فلموں کے بعد ہی انڈسٹری سے غائب ہوگئیں البتہ سوشل میڈیا کے ذریعے امیشا اپنی موجودگی کا احساس دلاتی رہتی تھیں۔

امیشا کی فلم غدر 2001 میں بنائی گئی تھی جو کافی مقبول ہوئی تھی۔ اس فلم کا دوسرا حصہ اب بنایا گیا ہے۔ یوٹیوب چینل کو انٹرویو دیتے ہوئے امیشا نے بالی وڈ میں اپنی کامیابی اور ناکامی کے حوالے سے بات کی۔ ان کا کہنا تھا کہ انڈسٹری میں ان کے بہت کم دوست ہیں البتہ سنجے دت ان کے بہت اچھے دوست ہیں اور وہ کہتے ہیں امیشا اپنی سادگی کی وجہ سے بالی وڈ کے لئے موزوں نہیں ہے۔ امیشا کا کہنا ہے کہ سنجے دت ان سے یہ کہتے ہیں کہ

“امیشا تم اس انڈسٹری کیلئے ضرورت سے زیادہ اچھی لڑکی ہو، تم بہت بھولی ہو اس لئے میں تمھیں یہاں سے نکالنا چاہتا ہوں۔ تو چل میں شادی کرواتا ہوں تیری“

البتہ ابھی تک سنجے، امیشا کے لئے کوئی دولہا تلاش نہیں کرسکے ہیں۔