کرن اشفاق نے دوسرے بچے کے بعد 15 کلو وزن کیسے کم کیا؟ خواتین کو متاثر کرنے کے لیئے طریقہ بھی بتا دیا

Kiran Ashfaque Shares Her Post Pregnancy Weight Loss Journey

اداکارہ، ماڈل اور سوشل میڈیا انفلوئنسر کرن اشفاق حسین دار ایک بار پھر خبروں میں ہیں – اور اس بار اپنے وزن میں حیران کن تبدیلی کی وجہ سے۔

کرن، جن کی پہلی شادی اداکار عمران اشرف سے ہوئی تھی، ایک بیٹے روہم عمران کی ماں ہیں، جسے وہ عمران کے ساتھ کو-پیرنٹ کر رہی ہیں۔ طلاق کے بعد کرن نے نئی زندگی کی شروعات کی اور وکیل حمزہ چوہدری سے شادی کی۔ اب وہ ایک خوبصورت بیٹی کی ماں بھی بن چکی ہیں – اور زندگی سے بھرپور نظر آتی ہیں۔

مگر ماں بننے کے بعد جو جسمانی تبدیلیاں آتی ہیں، وہ ہر عورت کے لیے ایک چیلنج ہوتی ہیں۔ کرن کا بھی حمل کے دوران وزن بڑھا – مگر آج وہ واپس اپنے پرانے فٹنس لیول پر آ چکی ہیں، اور فرق صاف نظر آتا ہے۔

15 کلو وزن کم کرنا کوئی مذاق نہیں، مگر کرن نے نہ صرف یہ ممکن کر دکھایا بلکہ اپنی محنت، ورزش اور لگن سے دوسروں کے لیے ایک مثال بن گئی ہیں۔

انہوں نے سوشل میڈیا پر اپنی فٹنس جرنی شیئر کی، جس میں انہوں نے بتایا کہ کون سی ورزشیں اور روٹین انہوں نے اپنائیں۔ ان کا کہنا ہے کہ ہر ماں کو وقت کے ساتھ ساتھ خود پر بھی توجہ دینی چاہیے۔

انٹرنیٹ پر لوگ ان کے حوصلے کو سلام کر رہے ہیں، ان کا کہنا ہے؛

٭ ماں بننے کے بعد خود کو دوبارہ سنوارنا بہت ہمت کا کام ہے۔

٭ میں بھی یہی سفر طے کر رہی ہوں، کرن کی کہانی میرے لیے نئی اُمید ہے۔

٭ وزن کم کرنا واقعی ایک چڑھائی جیسا سفر ہے – کرن، آپ نے سب کو موٹیویٹ کر دیا۔

یہ کہانی صرف فٹنس کی نہیں، حوصلے، صبر اور خود سے محبت کی ہے۔ کرن نے ثابت کیا کہ اگر ارادہ مضبوط ہو، تو کچھ بھی ناممکن نہیں۔