دولت والا شخص نہیں چاہیے بلکہ۔۔ کنزا ہاشمی کا پسندیدہ مرد کیسا ہوگا؟ دلچسپ خوبیاں بتا دیں

Kinza Hashmi Shares What She Likes In Men

"میرے لیے رشتے میں سب سے اہم چیز وفاداری ہے۔ میں ایک ایسے شخص کو ترجیح دوں گی جو سچا اور مخلص ہو، چاہے وہ امیر نہ بھی ہو۔ مجھے کبھی بھی دولت مند مگر غیر سنجیدہ یا فلرٹ کرنے والا مرد قبول نہیں ہوگا۔ میں ہمیشہ محبت اور سچائی کو بینک بیلنس پر ترجیح دوں گی۔"

یہ الفاظ ہیں پاکستان کی معروف اداکارہ کنزہ ہاشمی کے، جو حال ہی میں مشہور پروگرام میں شریک ہوئیں اور اپنے جیون ساتھی کے بارے میں کھل کر بات کی۔

کنزہ نے بتایا کہ پہلی ملاقات میں وہ ہمیشہ مرد کے قد اور ہیئر اسٹائل پر نظر ڈالتی ہیں، جبکہ انہیں داڑھی رکھنے والے مرد خاص طور پر پسند ہیں۔

دلچسپ بات یہ ہے کہ ایک تیز سوال جواب کے سیشن کے دوران کنزہ نے اداکار زاویار نعمان اعجاز کو حمزہ سہیل پر ترجیح دی اور کرکٹ کے میدان میں بابر اعظم کو شاداب خان کے مقابلے میں منتخب کیا۔

ڈرامہ عشق تماشہ، میرے بن جاؤ اور حالیہ شیرین فرہاد میں اپنی شاندار اداکاری سے مداحوں کے دل جیتنے والی کنزہ ہاشمی نے یہ واضح کر دیا ہے کہ ان کے نزدیک دولت سے زیادہ کردار اور وابستگی کی اہمیت ہے۔ یہی سوچ ان کی شخصیت کو مداحوں کے لیے مزید متاثر کن بنا دیتی ہے۔