میری ماں کے ساتھ بدتمیزی کی، دھکے دیے۔۔ اسود ہارون نے نازش جہانگیر کے خلاف کیس کی تفصیلات شیئر کردیں ! ویڈیو دیکھیں

Aswad Haroon Shares Update on Case Against Nazish Jahangir

"نازش کے خلاف دھوکہ دہی، بدکلامی اور دھمکیاں دینے پر وارنٹ گرفتاری جاری کیے گئے۔ وہ عدالت میں وکیل کے ساتھ پیش ہوئی اور وہاں بھی مجھے دھمکیاں دیں، بدتمیزی کی۔ اس کا رویہ غنڈوں جیسا تھا، جس پر ہم نے آج عدالت کے باہر اسے برا بھلا کہا کیونکہ اس نے میری والدہ کے لیے ناقابل برداشت زبان استعمال کی۔"

یہ الفاظ ہیں اداکار اسود ہارون کے، جنہوں نے اپنی ساتھی اداکارہ نازش جہانگیر پر سنگین الزامات عائد کرتے ہوئے تہلکہ مچا دیا ہے۔

اسود ہارون کے مطابق، ان کی اور نازش جہانگیر کی دوستی ایک ٹیلی فلم کے دوران ہوئی تھی۔ وقت کے ساتھ دونوں کے درمیان اعتماد قائم ہوا، لیکن یہ اعتماد جلد ہی دھوکے میں بدل گیا۔ اسود کا کہنا ہے کہ انہوں نے نازش کے مشکل وقت میں اس کی مالی مدد کی اور 2.5 ملین روپے ایک پراجیکٹ کے لیے بطور امانت دیے، مگر وہ رقم واپس نہیں کی گئی۔

اداکار نے مزید الزام لگایا کہ نازش جہانگیر نے ان سے ایک گاڑی بھی لی تھی، مگر وہ بھی واپس نہیں کی۔ اسود کے بقول، انہوں نے چھ ماہ تک معاملے کو پیار اور عزت سے حل کرنے کی کوشش کی، لیکن نازش نے نہ صرف انہیں بلیک میل کیا بلکہ ان پر حملہ بھی کروایا۔

اب اسود ہارون نے نازش جہانگیر کے خلاف باقاعدہ قانونی کارروائی کا اعلان کر دیا ہے اور کہا ہے کہ وہ اب ہر ممکن طریقے سے اپنا حق حاصل کریں گے۔

یہ کیس سوشل میڈیا اور ٹی وی چینلز پر سرخیوں میں ہے اور دونوں اداکاروں کے مداح حیران ہیں کہ آخر اس تنازع کا انجام کیا ہوگا۔ کیا یہ ایک اور شوبز اسکینڈل ہے یا حقیقت میں کوئی بڑا دھوکہ؟ اس کا فیصلہ عدالت کرے گی، مگر فی الحال نازش جہانگیر بھی الزامات کی تردید کرتے ہوئے قانونی جنگ لڑنے کے لیے تیار ہیں۔