آج کل ویزلین کا موسم شروع ہو چکا ہے ہر کوئی نہانے کے بعد منہ دھونے کے بعد ویزلین ڈھونڈتا ہے کہ فوری جلد پر لگا لیں تاکہ نرم و ملائم جلد رہے، کہیں پھٹ نہ جائے یا خشکی سے خارش نہ ہونے لگے۔ کیونکہ سردی میں خارش نہ ہو ایسا تو ممکن ہی نہیں ہے۔ اس موسم کی ایک اور خرابی یہ بھی ہے کہ اس میں رنگ بھی کالا پڑنے لگتا ہے اور جلد پر کھردرا پن بھی زیادہ آتا ہے جس سے جہاں نوجوانوں کو مسئلہ ہوتا ہے وہیں ان خواتین کو بھی ہچکچاہٹ ہوتی ہے جن کے چہرے پر بڑھتی عمر کے اثرات یا جھائیاں اور لکیریں واضح ہو رہی ہوتی ہیں۔ لہٰذا آج کے فوڈز میں ہم آپ کی جلد کیئر کو سامنے رکھتے ہوئے ایسا آسان اور بہترین ٹوٹکہ بتانے جا رہے ہیں جو اس موسم آپ کے چہرے کو چمکتا ہوا اور روشن بھی بنائے گا اور ساتھ ہی ان جھریوں اور فائن لائنز کو کنٹرول کرنے میں آپ کی مدد کریں گے۔
سردی میں ویزلین سے خوبصورت بننے کا ٹوٹکہ:
٭ ویزلین ایک چمچ،
٭ دودھ 3 چمچ ( لیکیوئیڈ )
٭ خشک دودھ پاؤڈر ( 2 چمچ )
٭ لیموں ( 3 سے 4 چمچ رس )
٭ نمک اور چینی مکس ( 1 چمچ )
٭ سرکہ ( 2 چمچ )
لیکیوئیڈ مکسچر:
٭ ویزلین میں لیکیوئیڈ دودھ ڈال کر 5 سے 10 منٹ تک اس کو مکس کریں کہ ویزلین اور دودھ آپس میں یکجان ہو جائیں۔ چونکہ ویزلین کی کثافت اور مرکب گاڑھا ہوتا ہے جس کی وجہ سے وہ زیادہ وقت لیتی ہے کسی بھی چیز میں گھلنے میں ۔۔
٭ جب یہ اچھی طرح مکس ہو جائے تو اس سے چہرے کا اچھی طرح مساج کریں اور پھر اسی محلول کر چہرے اور جلد پر اچھی طرح لگا کر 15 منٹ کیلئے خُشک ہونے دیں۔
٭ خُشک ہونے پر اپنی انگلیوں کو چہرے کے نچلے حصے سے اوپر کی جانب پھیریں اور یونہی اس کو چہرے سے اتاریں، پھر سادے پانی سے منہ دھو کر چہرے کو بھاپ دیں اور ٹشو کی مدد سے چہرے کو ایک مرتبہ صاف کرلیں۔
اس ٹوٹکے سے آپ کے چہرے کی فائن لائنز بھی کنٹرول ہوں گی اور میل کچیل بھی نکلے گی کیونکہ ویزلین میں ایکسٹرا فوائیلیٹ موجود ہیں جو گردوغبار نکالنے کا کام کرتے ہیں۔
خُشک دودھ:
٭ ویزلین میں خُشک دودھ، لیموں، نمک/چینی کا پاؤڈر اور سرکہ مکس کرکے اچھی طرح پیسٹ بنا کر چہرے پر روزانہ رات سونے سے قبل لگائیں اور جب تک خُشک نہ ہو جائے لگے رہنے دیں اس کے بعد سادے پانی سے دھو کر گلاب کے عرق کا سپرے کرکے سو جائیں۔ صبح اٹھ کر آپ کو منفرد رزلٹ خود نظر آئے گا۔