جب مرد 4 شادی کرسکتا ہے تو عورت کیوں نہیں۔۔ شادی شدہ عورت کا کسی اور سے محبت کا اعتراف ! وظیفہ پوچھنے پر مولانا صاحب نے کیا جواب دیا؟

Javeria Saud Ramadan Transmission Gets Call From A Cheating Woman

پاکستانی شوبز انڈسٹری کی معروف اداکارہ، میزبان اور لکھاری جویریہ سعود اس سال ایکسپریس انٹرٹینمنٹ پر رمضان ٹرانسمیشن کی میزبانی کر رہی ہیں۔ اپنے کیریئر میں کئی یادگار پراجیکٹس کرنے کے بعد، وہ اب ایک روحانی شو کی میزبانی کر رہی ہیں، جہاں ناظرین لائیو کال کے ذریعے دینی اسکالرز سے سوالات کر سکتے ہیں۔ لیکن حال ہی میں، ایک کال ایسی آئی، جس نے نہ صرف جویریہ کو حیران کر دیا بلکہ دیکھنے والوں کو بھی چونکا دیا۔

گوجرانوالہ سے سیمیہ نامی خاتون نے جویریہ کے شو میں کال کر کے ایک غیر متوقع سوال پوچھا، جس نے پورے سیٹ پر خاموشی طاری کر دی۔ انہوں نے کہا کہ "اسلام میں مردوں کو چار شادیاں کرنے کی اجازت ہے، تو عورتوں کو بھی ایک سے زیادہ شوہر رکھنے کی اجازت کیوں نہیں؟"

یہ سوال نہ صرف جویریہ سعود کے لیے چونکا دینے والا تھا بلکہ دیکھنے والوں کے لیے بھی حیران کن تھا۔ سیمیہ نے مزید کہا کہ وہ ایک ورکنگ وومن ہیں اور اپنے کولیگ سے محبت کرنے لگی ہیں، حالانکہ وہ پہلے سے شادی شدہ ہیں۔

یہ سن کر جویریہ سعود بھی دنگ رہ گئیں، مگر انہوں نے انتہائی سنجیدگی سے جواب دیا اور سیمیہ کو نصیحت کرتے ہوئے کہا کہ "اپنے نفس پر قابو پائیے۔ جبکہ مولانا صاحب نے اس سوال کا شرعی نکتہ نظر سے بھی بھرپور جواب دیا۔

یہ ویڈیو سوشل میڈیا پر جنگل کی آگ کی طرح وائرل ہو گئی، جہاں صارفین کی جانب سے ملا جلا ردِعمل دیکھنے کو ملا۔ کچھ لوگوں نے سیمیہ کے سوال کو غیر اخلاقی قرار دیا جبکہ کچھ نے اسے ایک عورت کی سوچ کی آزادی قرار دیا۔ تاہم، جویریہ سعود کے ٹھوس اور بروقت جواب کو بے حد سراہا جا رہا ہے۔