یہ بس شوہر کے نام پر پیسے بنا رہی ہیں ۔۔ فواد خان کی اہلیہ صدف اچانک لوگوں کی شدید تنقید کی زد میں کیسے آگئیں؟

مشہور پاکستانی اداکار فواد خان کی اہلیہ صدف فواد خان ان دنوں اپنے کپڑوں کے برانڈ کی وجہ سے سرخیوں میں ہیں۔ ان کے مشہور لباس برانڈ "ایس ایف کے برائیڈلز" کو سوشل میڈیا پر بری طرح سے سلے ہوئے لباس فراہم کرنے کی وجہ سے ٹرول کیا جا رہا ہے۔

حال ہی میں شادی کیلئے، ایف ایس کے برانڈ سے شیروانی خریدنے والے سوشل میڈیا انفلوئنسراعزاز ہاشمی نے صدف فواد خان پرایسی تنقید کی کہ صارفین غصے کے بجائے ہنسنے پر مجبور ہو گئے۔

انسٹاگرام پراعزاز ہاشمی نے ایک ویڈیو پوسٹ کی جس میں انہیں فواد کی اہلیہ کے برانڈ کے بارے میں دھکے چھپے لفظوں میں بات کرتے دیکھا جا سکتا ہے۔

اعزاز ہاشمی، جن کے تقریباً 50 ہزار انسٹاگرام فالوورز ہیں، نے اپنی شادی سے قبل ایس ایف کے برائیڈلز سے شیروانی کا آرڈر دیا اور چھوٹی بازوؤں والی ڈھیلی شیروانی وصول کی ساتھ ہی شیروانی پر استری کے جلنے کے نشانات بھی تھے۔

دولہے نے یہ بھی کہا کہ اس نے شادی کے دن پھر مقامی طور پر سلائی ہوئی خوبصورت شیروانی پہنی کیونکہ وہ اپنے خاص دن پر کوئی خطرہ مول نہیں لینا چاہتا تھا۔

اعزاز ہاشمی کی ویڈیو دیکھنے کے بعد سوشل میڈیا صارفین ایس ایف کے برائیڈلز اور دیگر برانڈز کے ساتھ اپنے تجربات شیئر کر رہے ہیں۔ ان کا کہنا تھا کہ برانڈز صرف اپنے نام پر پیسے بٹور رہے ہیں۔

دولہے نے کمنٹ سیکشن میں یہ بھی لکھا کہ ایس ایف کے برائیڈلز نے اسے بلاک کر دیا ہے۔ مداح کہہ رہے ہیں کہ وہ شوہر کے نام پر پیسے بٹور رہی ہیں اور اپنے مہنگے برانڈ کے نام پر لوگوں کو بے وقوف بنا رہی ہیں۔ وہ اب صدف فواد خان سے ان سے نقصان کی ادائیگی کا مطالبہ کر رہے ہیں۔