ارے اعجاز بھائی آپ۔۔ اعجاز اسلم کو پہچان کر ڈاکوؤں نے کیا کیا؟ واقعہ سناتے ہوئے ہنس پڑے! دیکھیں

“ایک پروڈکشن ہاؤس سے باہر نکل رہا تھا تو 2 ڈاکو آگئے اور پستول سر پر تان کر موبائل چھین لے لیا۔ جیسے ہی میں نے ڈاکو کی جانب دیکھا تو وہ فوراً پہچان گئے اور بولے “ارے اعجاز بھائی آپ“ پھر انھوں نے نہ صرف موبائل واپس کردیے بلکہ معافی بھی مانگی اور چلے گئے“

یہ کہنا ہے معروف اداکار اعجاز اسلام کا جنھوں نے حال ہی میں نجی چینل کے مزاحیہ ٹا شو “حد کردی“ میں گفتگو کرتے ہوئے اپنی نجی زندگی کے حوالے سے بات کی۔ اعجاز اسلم نے ایک اور واقعہ سنایا کہ جب ایک بار ماہ رمضان المبارک میں وہ بچوں کے ساتھ کتابیں لینے گئے تو کچھ ڈاکوؤں نے ان کا موبائل چھین لیا اور پھر وہ گاڑی میں بیٹھے تو دو آدمی آئے اور کہا کہ دروازہ کھولیں۔ جب دروازہ کھولا تو انھوں نے کہا اعجاز بھائی آپ کا فون واپس کرنے آئے ہیں۔

اعجاز اسلم نے مزید بتایا کہ ان کی شادی والدین نے کم عمری میں ہی کروادی تھی تاکہ لڑکا نہ بگڑے۔ لڑکوں کو 24، 25 برس کی عمر میں شادی کرلینی چاہیے۔ اس کے علاوہ شوبز انڈسٹری میں ان کی سب سے زیادہ دوستی عدنان صدیقی سے ہے جسے خراب کرنے کی کچھ لوگوں نے بہت کوشش کی مگر کامیاب نہ ہوسکے۔