محبت تھی اور اب بھی ہے، لیکن۔۔ کیا رومیسہ خان اب بھی ڈکی بھائی سے محبت کرتی ہیں؟ جذباتی بیان نے سوشل میڈیا پر طوفان مچا دیا!

Is Romaisa Khan Still In Love With Ducky Bhai

مشہور ڈیجیٹل کریئیٹر اور ابھرتی ہوئی اداکارہ رومیسہ خان، جن کے انسٹاگرام فالوورز کی تعداد 3.2 ملین سے زائد ہے، نے حال ہی میں ایسی باتیں کیں جو مداحوں کے دلوں کو چھو گئیں۔ رومیسہ، جنہوں نے ٹک ٹاک پر لب سنگی ویڈیوز سے شہرت پائی، 2020 میں ڈرامہ ماسٹرز سے اداکاری کے میدان میں قدم رکھا۔ بعد ازاں وہ چاند تارا اور نور جیسے مقبول ڈراموں میں بھی جلوہ گر ہوئیں۔ ساتھ ہی ان کی فلم 'جان' میں اداکاری کو شائقین اور نقادوں نے خوب سراہا۔

ادھورے عشق کا قصہ:

مگر رومیسہ کی تازہ ترین گفتگو نے سب کو چونکا دیا، عمران اشرف کے شو مذاق رات میں رومیسہ خان نے پہلی بار کھل کر اپنے جذبات کا اظہار کرتے ہوئے کہا؛

"محبت کی تھی، اور اب بھی ہے... لیکن وہ مکمل نہ ہو سکی۔"

محبت کے اس درد کو الفاظ کا رنگ دیتے ہوئے انہوں نے ایک گہرا شعر بھی سنایا؛

"اس کی ہر ایک یاد میں لذت ہوتی ہے، پہلی محبت، پہلی محبت ہوتی ہے... اور جب وہ ساتھ نہ ہو، تو پتہ چلتا ہے تصویر کی کیا قیمت ہوتی ہے۔"

سوشل میڈیا پر تہلکہ:

رومیسہ خان کے اس دل چھو لینے والے بیان نے سوشل میڈیا پر تہلکہ مچا دیا۔ مداحوں اور سوشل میڈیا صارفین کا ماننا ہے کہ رومیسہ خان کا یہ ذکر سعد الرحمان عرف ڈکی بھائی کے لیے تھا، جو اب عروب جتوی کے ساتھ خوشحال زندگی گزار رہے ہیں۔

ایک فین نے جذبات میں لکھا، ہم سب جانتے ہیں کہ رومیسہ کی پہلی محبت ڈکی بھائی تھے۔

دوسرے نے کہا، ڈکی واقعی ایک وفادار شوہر نکلا، جس نے رومیسہ کی محبت کے باوجود عروب کا ساتھ نہیں چھوڑا۔

کسی نے افسوس بھرے انداز میں لکھا، ڈکی نے رومیسہ خان کی سچی محبت کی قدر نہ کی۔

رومیسہ خان کے اس انکشاف نے ان کے فینز کو پرانی یادوں میں گم کر دیا ہے۔ اب سب کی نظریں اس بات پر ہیں کہ کیا کبھی یہ ادھورا قصہ مکمل ہوگا؟

ایک بات تو واضح ہے پہلی محبت کی شدت کو وقت بھی ماند نہیں کر سکتا۔