اوور ایکٹنگ کی بھی کوئی حد ہوتی ہے۔۔ پاک بھارت جنگ کے دوران حرا مانی کی روتی ہوئی ویڈیو وائرل، عوام کا غصہ عروج پر

Hira Mani Ki Roti Hui Video Viral

معروف اداکارہ حرا مانی کی ایک دل کو چھو لینے والی ویڈیو اس وقت سوشل میڈیا پر وائرل ہے، جس میں وہ ابوظبی ایئرپورٹ پر پیش آنے والے ایک کربناک لمحے کو شیئر کرتی دکھائی دے رہی ہیں۔

ویڈیو میں حرا مانی آبدیدہ نظر آئیں اور دل کی گہرائیوں سے اپنے جذبات کا اظہار کرتے ہوئے بتایا کہ وہ کیسے اچانک پاکستان کی فضائی حدود بند ہونے کے بعد ابوظبی ایئرپورٹ پر پھنس گئیں۔ اس لمحے انہیں ایسا لگا جیسے وہ شاید کبھی اپنے بچوں کو دوبارہ نہ دیکھ سکیں۔

اداکارہ نے کہا کہ ان کا درد اُن تمام پاکستانیوں سے جُڑا ہوا ہے جنہوں نے جنگ جیسے حالات میں اپنے پیارے کھو دیے۔ ان کا کہنا تھا، میں یہ ویڈیو اُن کے لیے بنا رہی ہوں جو روز ایسے لمحے جھیلتے ہیں۔

ویڈیو کے آخر میں انہوں نے "پاکستان زندہ باد" کا نعرہ لگایا اور متاثرہ خاندانوں کے لیے دلی دعاؤں کا اظہار کیا۔

سوشل میڈیا پر صارفین نے جہاں ایک طرف ان سے ہمدردی کا اظہار کیا، وہیں دوسری طرف عوام کی ایک بڑی تعداد نے انہیں اس ویڈیو پر ٹرول کیا، اور اسے ڈرامہ قرار دیا۔

ایک صارف نے لکھا، مجھے سمجھ نہیں آتا یہ کیسے لوگ ہوتے ہیں جو کیمرہ کے سامنے روتے ہیں۔

دوسرے نے لکھا، اوور ایکٹنگ کی دکان، انہیں صرف اٹینشن چاہیئے۔

ایک اور لکھا، بہن اتنی بھی شدید جنگ نہیں چل رہی جتنا آپ رو رو کر بتا رہی ہیں، یہ کچھ زیادہ ہوگیا۔