سوتیلی ماں ہمیشہ بری نہیں ہوتی۔۔ فیروز خان کی دوسری اہلیہ بچوں میں گھل مل گئیں! تصویروں نے لوگوں کے دل جیت لئے

پاکستانی اداکار فیروز خان کی اپنے بچوں سلطان اور فاطمہ کے ساتھ خوبصورت لمحات کی تصاویر ان دنوں سوشل میڈیا پر سب کی توجہ کا مرکز بنی ہوئی ہیں۔ دلچسپ بات یہ ہے کہ ان کی دوسری اہلیہ، ڈاکٹر زینب، بھی ان لمحات کا حصہ ہیں، جنہیں بچوں کے ساتھ محبت سے پیش آتے ہوئے دیکھا جا سکتا ہے۔

فیروز خان نے علیزہ سلطان سے علیحدگی کے بعد زینب سے شادی کی تھی، اور تب سے وہ اپنے مداحوں کے سامنے خوشگوار زندگی کی جھلکیاں پیش کرتے رہتے ہیں۔ حالیہ چند ہفتے کافی دلچسپ رہے ہیں؛ پہلے انسٹاگرام پر زینب کو ان فالو کرنے کے بعد طلاق کی افواہیں گردش میں آئیں، لیکن پھر اچانک فیروز نے زینب کو دوبارہ فالو کیا، اور اب ان کی نئی تصاویر سوشل میڈیا پر وائرل ہو رہی ہیں۔

ان تصاویر میں دیکھا جا سکتا ہے کہ زینب، فیروز کے بچوں کے ساتھ خوشگوار لمحات گزار رہی ہیں، کبھی فاطمہ کے ساتھ گود میں بیٹھی نظر آتی ہیں تو کبھی سلطان کو پیار سے گلے لگا رہی ہیں۔ ایک تصویر میں زینب کو فیروز خان کی والدہ کے ساتھ بھی ٹوئننگ کرتے دیکھا گیا، جس سے ان کے خاندان کے درمیان قربت اور محبت کا واضح اظہار ہوتا ہے۔

یہ تصاویر فیروز خان کی ذاتی زندگی کی ایک نئی کہانی سناتی ہیں، جس میں خوشیاں، محبت اور فیملی بانڈنگ کی خوبصورتی جھلکتی ہے۔ مداح بھی ان لمحات سے لطف اندوز ہو رہے ہیں اور انہیں زندگی کے اس نئے باب پر نیک تمنائیں دے رہے ہیں۔