ان کو پسند نہیں کرتا کیونکہ.. فیروز خان کے بارے میں بات کرتے ہوئے فائق خان اچانک کیوں بھڑک اٹھے؟

"میں فیروز خان کو بحیثیت انسان پسند نہیں کرتا. اس بات کی تفصیل میں نہیں جانا چاہتا کیوں کہ سب ہی لوگ جانتے ہیں کہ وہ کیسے انسان ہیں"

یہ کہنا ہے اداکار فائق خان کا جنھوں نے حال ہی میں وصی شاہ کے پروگرام میں شرکت کی. ایک سوال میں وصی شاہ نے فیروز خان، وہاج علی، بلال عباس اور اداکار اسامہ کی تصویر دکھا کر ان کی ظاہری شخصیت اور اداکاری کے حوالے سے ریٹ کرنے کو کہا تو فائق خان نے فیروز خان کے متعلق سخت کلمات ادا کیے.

جبکہ اسامہ خان کے بارے میں ان کا کہنا تھا کہ اگرچہ انھوں نے اسامہ کے ساتھ کام تو نہیں کیا ہے لیکن ان کو دیکھ کر معصومیت یا پھر یوں کہیں اچھی فیلنگز آتی ہیں. وہاج علی اس وقت شوبز انڈسٹری کا ایک بہت بڑا نام ہے اور ان کی اداکاری اور انرجی بھی زبردست ہے. اس لیے یہ کہوں گا کہ یہ وہاج کا دور ہے. بلال عباس بھی سرفہرست اداکاروں میں شمار ہوتے ہیں، بہت ذہین ہیں لیکن وہاج ایک ایسا نام ہیں جو بھیڑ سے نکل کر ابھر کر سامنے آئے ہیں"

وصی شاہ کے دوبارہ فیروز خان کی اداکاری کے متعلق سوال پر فائق خان نے دوبارہ سخت ردعمل دیتے ہوئے کہا کہ وہ فیروز خان کے بارے میں بات بھی نہیں کرنا چاہتے.