بالوں میں ایک مہینے میں نئی جان ڈال دے.. صرف 20 منٹ میں ایلو ویرا کا تیل بنانے کا طریقہ

بالوں میں تیل لگانا بہت فائدہ مند ہے. اس سے سر میں خون کی گردش بہتر ہوتی ہے جس سے بالوں کو آکسیجن ملتی ہے اور وہ لمبے، چمکدار اور مضبوط ہوجاتے ہیں. البتہ اسی تیل میں کچھ اور بھی قدرتی چیزوں کو شامل کرلیا جائے تو تیل کے فائدے کئی گنا بڑھ جاتے ہیں. اس لئے آج ہم آپ کو ایلویرا کا تیل بنانا سکھائیں گے جسے آپ لمبے عرصے تک بنا کر محفوظ کرسکتے ہیں.

اس کے لیے آپ آدھا کلو سرسوں کا تیل لیں اور اسے چولہے پر چڑھا دیں. اس تیل میں 4 کھانے کے چمچ ارنڈی کا تیل ملا دیں. ایلوویرا کے دو پتوں کا گودا نکال کر الگ کرلیں. ایک پیالی گودا لے کر تیل میں شامل کریں اور ساتھ ساتھ چلاتے جائیں. ان کو دھیمی آنچ پر 20 منٹ پکائیں. ٹھنڈا کر کے چھان لیں.

یہ تیل ایک ماہ تک روزانہ استعمال کریں. سرسوں کے بجائے ناریل یا زیتون کا تیل بھی استعمال کیا جاسکتا ہے. جبکہ ارنڈی کے تیل سے بال تیزی سے بڑھتے ہیں اور ایلوویرا بالوں اور سر کی جلد کے تمام مسائل حل کرتا ہے، خشکی ختم کرتا ہے اور بالوں کی صحت کو بہتر بناتا ہے. صرف ایک ماہ استعمال سے ہی آپ کو فرق واضح محسوس ہوگا.