بیٹی کے دماغ کی سرجری کے بعد باپ نے بھی اُسی طرح بال کٹوا لیے ۔۔ باپ اور بیٹی کی محبت بھری تصویر نے لوگوں کو افسردہ کر دیا

بیٹی کے دماغ کی سرجری کے بعد باپ نے بھی اُسی طرح بال کٹوا لیے ۔۔ باپ اور بیٹی کی محبت بھری تصویر نے لوگوں کو افسردہ کر دیا

بیٹی اپنے والد کے ساتھ خود کو جتنا محفوظ محسوس کرتی ہے اتنا گھر کے کسی فرد کے ساتھ نہیں کرتی۔ اللہ نے باپ کے دل میں بیٹی کے لیے بہت محبت اور فکر رکھی ہے کہ وہ ساری زندگی اپنی بیٹی کی فکر میں رہتا ہے۔

جو تصویر آپ کے سامنے پیش کرنے جارہے ہیں وہ بہت دلچسپ ہے۔

وائرل ہونے والی تصویر میں بھی باپ کو اپنی بیٹی کے سر کو پیار سے چھوتے ہوئے دیکھا جا سکتا ہے۔ دونوں نے اپنے سر کا کچھ حصہ منڈوایا ہوا ہے۔

دماغ کی سرجری کے لیے اکثر مریض کو گنجا کیا جاتا ہے یا ایک طرف سے کچھ بال صاف کردیے جاتے ہیں۔

اس کے علاوہ دیکھا جاسکتا ہے کہ باپ نے بیٹی کی طرح ہی اپنے سر پر بھی سرجری کے بعد لگنے والے ٹانکوں کے نشان بنائے ہوئے ہیں۔

مذکورہ تصویر سوشل میڈیا پر جگہ زیر گردش ہے اور صارفین کی جانب سے باپ بیٹی کی اس تصویر پر محبت بھرے تبصروں کا اظہار بھی کیا جا رہا ہے۔

ٹویٹر صارف نے لکھا کہ باپ نے بیٹی کی دماغ کی سرجری کی وجہ سے اپنا ہیئر اسٹائل اسی کی طرح کا بنا لیا۔

تاہم یہ تصدیق نہیں کی جا سکی کہ وائرل ہونے ان باپ بیٹی کا تعلق کس ملک کی ہے۔