بھائی کی جان بچانے کے لئے سب چھوڑ کر آگئی۔۔ 8 برس چھوٹے بھائی کو گردہ دینے والی عظیم بہن کی کہانی

“میری آٹھ برس بڑی بہن نے ہمیشہ مجھے ماں کی طرح پیار کیا ہے۔ وہ بچپن سے ہی میرا بہت خیال رکھتی تھیں اور جب میں 20 برس کا ہوا تو ان کی شادی ہوگئی اور چندا دی نیوزی لینڈ چلی گئیں۔ لیکن جب انھیں پتا چلا کے میرے گردے ناکارہ ہوگئے ہیں تو وہ واپس آگئیں“

یہ کہنا بھارت سے تعلق رکھنے والے ایسے نوجوان کا ہے جس کا چند سال پہلے گردے ناکارہ ہونے کی صورت میں ڈاکٹروں نے جواب دے دیا تھا اس وقت لڑکے کی مدد صرف اس کی بہن نے کی اور اپنا گردہ بھائی کو عطیہ کر کے اس کی جان بچائی۔

نوجوان نے بتایا کہ جب ڈاکٹروں نے مرض تشخیص کیا اور گھر والوں کو اس بارے میں بتایا تو سب بہت مایوس ہوگئے تھے لیکن چندا دی اپنے شوہر کے ساتھ نہ صرف واپس آئیں بلکہ انھوں نے اپنے تمام ٹیسٹ بھی کروائے اور اتفاق سے ان کے گردے بھائی سے میچ ہوگئے۔ جس کے بعد انھوں نے گردہ بھائی کو دے دیا۔

اس بارے میں نوجوان کا کہنا ہے کہ اگرچہ اس وقت ہم سب ڈرے ہوئے تھے لیکن یہ میری بہن ہی تھی جس نے میرے لئے ہر خطرہ مول لیا۔ بلا شبہ مشکل وقت میں انسان کے ساتھ کوئی کھڑا ہوتا ہے تو وہ اس کا اپنا خاندان ہی ہے۔