اقرار کے خاندان کو 8 سال سے جانتی تھی اس لئے.. محبت کا احساس خوبصورت ہے! شادی کی خبروں کے بعد عروسہ خان کا پہلا انٹرویو

"محبت بہت خوبصورت احساس ہے. میں محبت کرچکی ہوں بہت اچھا لگتا ہے. اقرار کی پہلی بیوی قرۃالعین بڑی بہنوں جیسی ہیں جب انھیں کوئی کام ہوتا ہے وہ کہہ دیتی ہیں مجھے کوئی مدد چاہیے ہو تو کہہ دیتی ہوں. اقرار کے خاندان کو پچھلے 8 برس سے جانتی ہوں اسی لئے اکثر ان کے ساتھ تصاویر شئیر کرتی تھی"

یہ کہنا ہے عروسہ خان کا جو آج کل اقرار الحسن کی تیسری اہلیہ کے طور پر خبروں میں وائرل ہیں. ایک نجی چینل کو انٹرویو دیتے ہوئے عروسہ نے بتایا کہ اقرار الحسن انھیں کافی پسند ہیں اور وہ ان سے کیریئر میں رہنمائی لیتی رہی ہیں.

جبکہ اینکر کے ان سے براہ راست اقرار سے شادی کے سوال پر کہنا تھا کہ وہ ان کا ذاتی معاملہ ہے جس پر وہ بات نہیں کرنا چاہیں گی. اینکر نے اصرار کیا کہ آپ کے بارے میں کہا جاتا ہے کہ آپ نجی محفل میں اقرار سے شادی کا اقرار کرتی ہیں لیکن آن ائیر اسے تسلیم نہیں کرتیں نہ ہی صاف انکار کرتی ہیں جس پر عروسہ کا کہنا تھا کہ وہ اس بارے میں کچھ نہیں کہنا چاہتیں. البتہ اقرار الحسن کے خاندان کے وہ بہت قریب ہیں اور ان کی پہلی بیوی اور بیٹے سے ان کی بہت دوستی ہے.

واضح رہے کہ گزشتہ ہفتے عروسہ خان نے اپنے انسٹاگرام اکاؤنٹ پر سوال جواب کا سیشن کرتے ہوئے اقرار الحسن کے حوالے سے ذومعنی جواب دیے تھے جس کے بعد ہر میڈیا چینل نے ان کی شادی کے حوالے سے تصدیقی خبر چلائی تھی.