انڈوں پر قرآن لکھ دیا ۔۔ یہ بُزرگ شخص کون ہے جس نے انڈوں پر قرآن لکھ کر نیا ریکارڈ بنا دیا؟

اللہ کے کلام سے محبت ہر انسان کرتا ہے اور اس کے اظہار کا طریقہ بھی ہر انسان کا منفرد ہے۔ قرآن پاک رمضان میں تو سب پڑھتے ہیں لیکن ایک ایسے بھی بزرگ ہیں جنہوں نے انڈوں پر قرآن پاک لکھ کر نیا ریکارڈ بنا دیا۔

سعودی عرب سے تعلق رکھنے والے 72 سالہ احمد ابدان نے 8 انڈوں پر اپنی منفرد انداز سے خطاطی کرکے پورا قرآن پاک لکھ دیا۔ ان انڈوں کو دیکھ کر ہر کوئی حیران ہے کہ کیسے اتنی مہارت سے احمد نے یہ کارنامہ سرانجام دیا۔

احمد ابدان ایک شیخ گھرانے سے تعلق رکھتے ہیں جنہوں نے اپنی زندگی کے کم و بیش 50 سال خطاطی اور ماہرانہ فنون لطیفہ کے لیے وقف کیے۔ ان کے ہنر کو سعودی عرب میں بہت زیادہ پسند کیا جاتا ہے جس کے باعث ان کو کئی ایوراڈز بھی ملے۔ ان کی بنائی گئی خطاطی اور پینٹنگز جدہ کی بڑی بڑی exhibitions میں بھی فروخت کے لیے نمائش میں رکھی جاتی ہیں جن کو صرف مسلمان ہی نہیں بلکہ غیر مسلم بھی خرید تے ہیں۔

انہوں نے انڈوں پر قران لکھنے کا یہ ہنر 2 سال قبل دکھایا تھا لیکن اب سوشل میڈیا پر ایک مرتبہ پھر سے ان کے ہنر کو سراہا جا رہا ہے۔ اس حوالے سے احمد ابدان کہتے ہیں کہ مجھے ہمیشہ سے قرآن کو مختلف طریقوں سے لکھنے کا شوق رہا ہے اور انڈوں پر لکھنا سب سے زیادہ منفرد لیکن ایک نازک مزاج کام تھا جس کو اللہ نے میرے ہاتھوں بھرپور مکمل کروایا۔