مجھ پر بد ترین تشدد ہوا، میری مدد کیجیئے ۔۔ بھارتی ڈرامہ اداکارہ ویشنوی نے ماں کیخلاف مقدمہ درج کرادیا، ویڈیو

آج کل سوشل میڈیا کا زمانہ ہے ایسے میں کوئی بات زیادہ دیر تک ڈھکی چھپی نہیں رہتی، خاص کر اگر وہ بات فلمی دنیا یا شوبز سے جڑی ہوئی ہو تو۔

ایسا ہی ایک واقعہ ان دنوں سرخیوں میں ہے جس میں بھارت کے مقبول ترین کرائم ڈرامہ 'سی آئی ڈی' کی اداکارہ ویشنوی دھنراج نے اپنے گھر والوں پر تشدد کا الزام عائد کرتے ہوئے اپنی والدہ کے خلاف مقدمہ درج کروایا ہے۔

رپورٹ کے مطابق، ویشنوی نے سوشل میڈیا پر ایک ویڈیو شیئر کی جس میں انہوں نے بتایا کہ وہ اس وقت پولیس اسٹیشن میں موجود ہیں اور اس کی وجہ انکے اہل خانہ ہیں۔

ویشنوی نے مزید بتاتے ہوئے کہا کہ، میری فیملی نے مجھ پر بدترین تشدد کیا، میرا چہرہ اور ہاتھ زخمی ہیں اور ساتھ ہی اپنے زخم بھی دکھائے۔ ان کا کہنا تھا کہ، میرے گھر والوں نے مجھے برا بھلا کہا میرے ساتھ ظلم کیا، اب مجھے آپ لوگوں کی ضرورت ہے، میری مدد کیجیے۔

بھارتی پولیس حکام نے ویشنوی کی درخواست پر ان کی والدہ اور بھائی کے خلاف کیس رجسٹرڈ کر لیا ہے۔

سوشل میڈیا پر یہ خبریں گردش کر رہی ہیں کہ، ویشنوی کے گھر والوں نے اُنہیں گھر میں یرغمال بناکر رکھا ہوا تھا، ان کے بھائی اور ماں نے موبائل فون بھی ضبط کرلیا تھا اور ساتھ ہی انہیں گھر سے باہر جانے کی اجازت بھی نہیں تھی۔