یش راج کی جانب سے فلم کی آفر ہوئی لیکن۔۔ نور جہاں ڈرامے سے شہرت پانے والے علی رضا کو پیشکش کے باوجود فلم کیوں نہ ملی؟

"مجھے بھارت کے ایک بڑے پروڈکشن ہاؤس سے کام کی پیشکش ہوئی، لیکن انہیں علم نہیں تھا کہ میں پاکستانی ہوں،" علی رضا نے حالیہ یوٹیوب انٹرویو میں یہ انکشاف کیا۔

انہوں نے بتایا کہ مشہور فلم پروڈکشن کمپنی ’ییش راج فلمز‘ کی ٹیم نے پہلے سوشل میڈیا کے ذریعے رابطہ کیا اور انہیں ایک فیچر فلم کے لیے آڈیشن دینے کی دعوت دی۔ ان کا کہنا تھا کہ ابتدائی گفتگو کے بعد، انہیں رنبیر کپور کی فلم ’اے دل ہے مشکل‘ کے ایک سین کا کلپ بھیجا گیا اور کہا گیا کہ وہ اس سین کو اپنے انداز میں شوٹ کرکے بھیجیں۔

علی نے وہ کلپ ریکارڈ کیا اور پروڈکشن ہاؤس کو بھیج دیا، جس کے بعد انہیں بتایا گیا کہ وہ منتخب ہوگئے ہیں اور فلم کے باقی معاملات بھی طے ہوگئے۔ لیکن جب پروڈکشن ٹیم نے ان سے پوچھا کہ کولکتہ سے کہاں کا ٹکٹ بھیجیں تو انہوں نے جواب دیا، "لاہور۔" اس پر ٹیم نے حیرانی کا اظہار کرتے ہوئے ان سے دریافت کیا کہ انہوں نے پہلے کیوں نہیں بتایا کہ وہ پاکستانی ہیں۔

علی کا کہنا تھا کہ انہوں نے سوچا کہ چونکہ انہوں نے رابطہ نمبر پاکستانی دیا تھا، اس سے پروڈکشن ہاؤس کو معلوم ہو چکا ہوگا کہ وہ پاکستان سے ہیں۔ بدقسمتی سے، پاکستانی ہونے کا علم ہونے پر پروڈکشن ہاؤس نے انہیں کاسٹ نہیں کیا۔