ہمیشہ ماہرہ خان سے محبت کی لیکن پھر.. علی عباس کے چونکا دینے والے انکشافات

"میں پچھلے 12 یا 13 برسوں سے اداکارہ ماہرہ خان سے یک طرفہ محبت کر رہا ہوں اور آج بھی ان سے پیار ہے۔ پوری دنیا جانتی ہے کہ میں ماہرہ خان کی بات کر رہا ہوں. ماہرہ خان سے اس وقت سے یک طرفہ محبت کر رہا ہوں جب وہ ویڈیو جوکی (وی جے) ہوا کرتی تھیں. میں اپنی ایک طرفہ محبت پر کافی خوش ہوں"

یہ کہنا ہے معروف اداکار علی عباس کا جنھوں نے حال ہی میں مذاق رات میں شرکت کی اور محبت کے موضوع پر کھل کر گفتگو کی.

علی عباس نے کہا کہ اب وہ ماہرہ خان کے لیے کوئی پیغام نہیں دینا چاہتے، کیوں کہ ان کی شادی ہوگئی ہے. البتہ آج کل کے زمانے میں ایک محبت تک محدود رہنا مشکل ہے. محبت تو ایک جذبہ ہے جو بار بار ابھر سکتا ہے. محبت کا جذبہ انسان کو جوان رکھتا ہے.

علی عباس کا کہنا تھا کہ میں ٹی وی اسکرین پر بہت اچھی محبت کرلیتا ہوں اور کئی اداکارائیں بھی یہ بات کہہ چکی ہیں کہ میں شوٹنگ کے دوران گہری محبت کرتا ہوں جو بالکل حقیقی لگتی ہے.

علی عباس نے مزید بتایا کہ اقرا عزیز بھی ان کا کرش رہ چکی ہیں اور وہ ان پر فدا ہیں. البتہ سب سے بڑی اور پہلی محبت میری بیوی ہیں جن کی جگہ کوئی نہیں لے سکتا.