پری ذاد کی شادی کی تاریخ سامنے آگئی۔۔ دلہن کے بارے میں دلچسپ حقائق

اداکار احمد علی اکبر جو اپنی شاندار پرفارمنس کی بدولت مداحوں کے دلوں میں خاص جگہ بنا چکے ہیں، اب ایک نیا سنگ میل عبور کرنے جا رہے ہیں۔ وہ آئندہ ماہ شادی کے بندھن میں بندھنے کے لیے تیار ہیں۔ احمد علی اکبر نہ صرف اپنی اسکرین پرفارمنس کی وجہ سے شہرت رکھتے ہیں، بلکہ اپنی ذاتی زندگی کو انتہائی نجی رکھنے کی وجہ سے بھی ہمیشہ خبروں میں رہتے ہیں۔ ان کی شخصیت میں کچھ ایسا خاص ہے کہ وہ تنازعات سے دور رہ کر، اپنے کام اور زندگی کو اس طرح منظم رکھتے ہیں کہ ان کے مداح ہمیشہ ان کے لیے خوش رہتے ہیں۔

شوبز کی دنیا کے سب سے زیادہ پسندیدہ اور اہل بیچلرز میں شمار ہونے والے احمد علی اکبر کی شادی کی خبر سامنے آتے ہی ان کے مداحوں میں جوش و جذبہ پیدا ہو گیا ہے۔ شوبز ویب سائٹس کے مطابق، یہ خبر بھی سامنے آئی ہے کہ کبریٰ خان اور گوہر رشید کے بعد احمد علی اکبر بھی اپنے دلہن کے ساتھ زندگی کے نئے سفر کا آغاز کرنے جا رہے ہیں۔

اگرچہ احمد علی اکبر اکثر اپنے دوستوں کی شادیوں میں بھرپور انداز میں رقص کرتے ہیں، لیکن اس بار وہ خود دولہا کی نشست پر ہوں گے، جو کہ ان کے مداحوں کے لیے ایک خاص لمحہ ہوگا۔ فروری میں ان کی شادی کی خبر نے تمام شوبز حلقوں میں ہلچل مچادی ہے اور مداح انہیں دل سے مبارکباد دے رہے ہیں۔

کہا جا رہا ہے کہ احمد علی اکبر کی دلہن ایک وکیل اور ڈیجیٹل کانٹینٹ کری ایٹر ہیں، جن کا نام ماہم بتول بتایا جا رہا ہے۔ احمد علی اکبر کی شادی کی یہ خبر ان کے چاہنے والوں کے لیے ایک خوشی کا موقع بن چکی ہے، اور وہ اپنے پسندیدہ اداکار کے لیے نیک تمناؤں کا اظہار کر رہے ہیں۔