2018 میں سب چھن گیا اور پھر۔۔ لوگ مجھے برا سمجھتے تھے! آغا علی مشکل لمحات سے کیسے باہر آئے؟

“میں نے اس پر پہلے کبھی بات نہیں کی لیکن آج ایسی جگہ کھڑا ہوں وہاں خود کو محفوظ سمجھتا ہوں اور کہہ سکتا ہوں کہ 2018 میری زندگی کا مشکل ترین سال تھا“

یہ کہنا ہے معروف اداکار آغا علی کا جنھوں نے نادیہ خان کے رمضان پروگرام میں شرکت کرتے ہوئے ماضی کے مشکل لمحات کا ذکر کیا۔ آغا علی کا کہنا تھا کہ 2018 میں، بینک اکاؤنٹ سے 80 سے 90 فیصد انویسٹ کیے تھے ایک خاتون سے تعلقات بھی ختم ہوگئے تھے۔

اپنی گفتگو جاری رکھتے ہوئے آغا علی نے مزید کہا کہ ٢٠١٨ میں انڈسٹری اور سوشل میڈیا میں مجھے ایک ویلن کے طور پر دکھایا جاتا تھا۔ میرا وزن بھی بہت بڑھ گیا تھا لیکن پھر اسی برس میں نے عمرہ کیا اور سب بدل گیا۔

آغا علی نے بتایا کہ پہلے وہ جس کام میں ہاتھ ڈال رہے تھے وہ خراب ہورہا تھا لیکن عمرہ کرنے کے بعد اللہ نے خود ہی ان کے راستے کھول دیے۔ واضح رہے کہ 2018 میں آغا علی ار اداکارہ سارہ خان ایک دوسرے کو پسند کرتے تھے اور ان کی شادی کی خبریں سرگرم تھیں لیکن پھر ان کا بریک اپ ہوگیا جس کے بعد سارہ نے فلک شبیر سے شادی کر لی اور خوش و خرم زندگی گزار رہی ہیں جبکہ آغا علی نے اداکارہ حنا الطاف سے شادی کی البتہ ان دونوں کی بھی علیحدگی کی خبریں سوشل میڈیا پر کافی وائرل ہیں۔