Mini Pizza Quiches Recipe in Urdu

اجزاء:
• تیل _____2 کھانے کے چمچ
• پیاز باریک کٹی ہوئی _____1 عدد
• مرغی کا گوشت، بنا ہڈی کے _____آدھ کلو گرام
• لال مرچ کُٹی ہوئی _____1 چائے کا چمچ
• کالی مرچ پسی ہوئی _____آدھ چائے کا چمچ
• نمک _____حسبِ ذائقہ
• لہسن کا پیسٹ _____1 چائے کا چمچ
• دھنیا _____1 چوتھائی گٹھی
• گاجر کٹی ہوئی _____1 عدد
• سرکہ _____آدھ چائے کا چمچ
• شملہ مرچ، کٹی ہوئی _____آدھی
• ڈبل روٹی _____حسبِ ضرورت
• موزریلا چیز _____حسبِ ضرورت
• زیتون _____حسبِ ضرورت
• دھنئے کا تیل _____بیکنگ کے لئے

• سب سے پہلے ایک برتن میں تیل گرم کریں اس میں کٹی ہوئی پیاز ڈال کر برائون کرلیں۔
• اب اس میں مرغی کا بغیر ہڈی کا گوشت ڈالیں اور دو منٹ تک چمچ چلائیں۔
• اب اس میں کُٹی ہوئی لال مرچ،پسی ہوئی کالی مرچ، نمک، لہسن کا پیسٹ اور دھنیا ڈال کر ایک منٹ تک اچھی طرح مکس کریں۔
• اب اس میں کٹے ہوئے گاجر کے ٹکڑے ڈال کر اچھی طرح مکس کریں۔ پھر اس میں سرکہ ملائیں اور کٹی ہوئی شملہ مرچ ڈال کر ایک منٹ تک اچھی طرح مکس کریں جب یہ عمل مکمل ہو جائے تو چولہا بند کردیں۔
• اب ڈبل روٹی کے سلائس لے کر پلاسٹک کے سانچے کی مدد سے ان کے بیچ کا گول حصہ نکال لیں۔
• ایک سانچہ دوسرے سے تھوڑا بڑا ہونا چاہئے تاکہ پیزا کے لئے مناسب سائز کے حصے نکل سکیں۔
• اب ڈبل روٹی کے ان دو گول کٹے ہوئے حصوں کو بیکنگ ٹرے میں ایک دوسرے کے اوپر تلے رکھیں۔
• اب ڈبل روٹی کے ان گول ٹکڑوں کو پہلے سے تیار کردہ آمیزے سے بھر لیں، پھر ان پر تھوڑی سی چیز، زیتون اور کُٹی ہوئی لال مرچ ڈال دیں اور برش کی مدد سے دھنئے کے تیل سے پوری طرح اسے چُپڑ دیں۔
• اب ان پر تھوڑی سے خشک میتھی چھڑک دیں اور 350 ڈگری پر 15 منٹ کے لئے بیک کرنے کے لئے رکھ دیں۔
• مزیدار چھوٹا پیزا تیار ہے ۔