Dhaga Kabab Recipe in Urdu

اجزاء:
گائے کا قیمہ ایک کلو

کچا یا پکا پپیتا ایک پاءو

نمک ایک کھانے کا چمچ

بگھار (تلی ہو ئی پیاز) ایک پاءو

تیل ایک کپ

گرم مصالحہ چار کھانے کے چمچ

باریک کٹا لہسن دو کھانے کے چمچ

باریک کٹا ادرک دو کھانے کے چمچ

پیپلی چار عدد

ہر مرچ چھ عدد

کٹی لال مرچ تین کھانے کے چمچ

ہلدی ایک کھانے کا چمچ

بیسن چھ کھانے کے چمچ

جاءفل جا وتری ایک چائے کا چمچ

چربی ایک پاءو

قیمہ میں پپیتا لگا کر رات بھر کے لئے رکھ دیں ،یا د رہے اگر آپ کچا پپیتا استعمال کر رہیں ہیں تو اسے چھوٹے چھوٹے ٹکڑوں میں کاٹ کر قیمہ میں شامل کریں کبھی بھی باریک پیس کر شامل نہیں کریں کیونکہ اس طرح کچے پپیتے کی کڑواہٹ اس میں شامل ہو سکتی ہے اور پھر جب کباب بنانے ہو تو کچے پپیتے کے ٹکڑوں کو نکال دیں ، اگر پکا پپیتا شامل کر رہیں ہیں تو اس کا چھلکا اتار کر ٹکڑوں میں کاٹ کر استعمال کریں یہ قیمہ کے ذائقہ کو مزید بہتر کر دے گا ۔ ایک پاءو بگھار تیار کرنے کے لئے تقریباً آدھاکلو پیاز کو کاٹ کر فرائی کریں اس طرح ایک پاءو بگھار تیار ہو جائے گا ۔ اب گرائنڈر میں پیپلی،گرم مصالحہ اورجاءفل جاوتری ڈال اچھی طرح باریک پیس لیں ۔ اب قیمہ میں بگھار،ہری مرچیں ،ہلدی ،نمک،کٹی لال مرچ،لہسن،ادرک،چربی،بیسن،گرائنڈر میں پسا مصالحہ سب شامل کر کے اچھی طرح مکس کریں اب اسے قیمہ پیسنے کی مشین سے ایک سے دو بار نکال لیں تاکہ یہ اچھی پس کر تمام مصالحہ ایک جان ہو جائے ۔ اب ہاتھ کو پانی سے تر کر کے سیخوں پر قیمہ کے کباب بنا کر لگائیں اور دھاگہ کو اچھی طرح مگر ہلکے ہاتھوں سے لگائیں یہ دھاگہ قیمہ کے اوپر لگا رہے اندر پیوست نہیں ہونا چاہئے ورنہ یہ پکتے وقت گر سکتے ہیں اب اس پر تیل اچھی طرح لگا ئیں ، انگیٹھی میں سلگتے کوئلوں پر انہیں رکھ پکائیں اور بار بار پلٹنے سے گریز کریں پہلے دو منٹ تک ایک طرف سے پکا لیں پھر دوسری طرف سے یہ تقریاباً آٹھ سے دس منٹ میں تیار ہو جائیں گے اور تیل بھی ساتھ ساتھ لگاتے جائیں لیجئے مزیدار دھاگہ کباب تیار ہیں اسے ہری چٹنی اور پراٹھوں کے ساتھ پیش کریں ۔