Pair Ke Dano Ka Asan Gharelu Ilaj

کیا آپ کو بھی پیروں کے نیچے اور اوپر دانے نکلنے لگے ہیں تو جانیں ان کو ختم کرنے کی آسان ٹپس
انسان کی شخصیت کو بہتر بنانے میں صرف صاف ستھرے کپڑے اور شاداب چہرے کی ضرورت نہیں ہوتی بلکہ ان کے ساتھ ہاتھ اور پاؤں کی خوبصورتی بھی معنی رکھتی ہے۔ ویسے تو ہرشخص پاؤں دھوتا ہے صاف رکھتا ہے۔ لیکن بعض اوقات صاف ستھرے پاؤں میں بھی کسی اندرونی یا بیرونی مسائل کی وجہ سے دانے، پھنسیاں اور چھالے نکل آتے ہیں جن کی وجہ سے چلنے پھرنے میں بھی تکلیف محسوس ہونے لگتی ہے۔ اور ان دانوں سے وقتاً فوقتاً زرد سیال مادہ بھی نکلنے لگتا ہے جو بعد میں انفیکشن کی بڑی وجہ بھی بنتا ہے۔ اگر آپ کے ساتھ بھی یہ مسئلہ ہے تو ہم آپ کو بتا رہے ہیں کہ کس طرح آپ ان دانوں کو ختم کرنے کے لئے گھر میں علاج کرسکتے ہیں۔

• لیموں:
لیموں میں سٹرک ایسڈ پایا جاتا ہے جو کہ جلد کی خوبصورتی میں اہم کردار کرتا ہے اور اس سے کوئی نقصان بھی نہیں ہوتا۔ اس لئے اگر آپ کو پاؤں میں دانے یا پھنسیوں کا مسئلہ ہے تو آپ لیموں کے رس کو مطلوبہ جگہ پر لگا کر15 منٹ کے لئے چھوڑ دیں اور خشک ہونے دیں بعد میں روئی کی مدد سے آہستہ سے صاف کرلیں ایسا کرنے سے جلد کی اوپری سطح پر موجود پس نرم ہو کر آسانی سے باہر نکل جائے گی اور اس عمل کو دن میں کئی مرتبہ دہرانے سے یہ مکمل طور پر ختم ہو جائے گی۔