ان بیجوں کے انمول فائدے جو آپ نہیں جانتے ہوں گے۔۔ زیرہ اور میتھی جسم کے 5 مسائل دور کرنے کی صلاحیت

زیرہ اور دانہ میتھی کے بیج:

قدرت نے ہمارے لئے چھوٹی چھوٹی چیزوں میں ان گنت فوائد چھپائے ہوئے ہیں ضرورت اس بات کی ہے کہ ہم ان کی کھوج لگائیں اور ان فائدوں کو ڈھونڈیں۔ ہم لوگوں کو عادت ہوگئی ہے کہ ہم چھوٹی چھوٹی چیزوں اور بیماریوں کے لئے ڈاکٹر کے پاس دوڑتے ہیں ، جبکہ اللہ تعالٰی نے ہمارے لئے ہمارے باورچی خانے کے مصالحوں میں ہی کتنی بیماریوں کی شفاء رکھ دی ہے جو ہم نہیں جانتے۔ آج یہاں ہم آپ کے لئے دانہ میتھی اور زیرے کو کھانے کے چند فوائد بتائیں گے کہ ان کو صحیح طریقے سے کھانے سے ہم کتنی بیماریوں اور مسائل کا علاج کر سکتے ہیں۔

دانہ میتھی اور زیرہ ہمارے باورچی خانے کے اہم مصالحوں میں سے ایک ہیں یہ ہمارے دیسی کھانو کی جان ہیں ان کی ایک چٹکی کھانوں کا ذائقہ اور خوشبو دوبالا کردیتی ہے۔زیادہ تر لوگ میتھی اور زیرے کو صرف ذائقے کے لئے ہی استعمال کرتے ہیں وہ ان کے فائدوں کے حوالے سے کچھ زیادہ نہیں جانتے، لیکن آج ہم آپ کو بتائیں گے کہ یہ دونوں چیزیں آپ کی صحت کے لئےبھی کتنے مفید اور اکسیر ہیں۔ ان کا درست استعمال آپ کو صحت کے بہترین فائدوں سے روشناس کروائے گا۔ یہ مصالحے موٹاپا، کولیسٹرول، بدہضمی، اور شوگر کی بیماری کو بھی کنٹرول کرنے میں مدد کرتا ہے۔

1۔ ہاضمہ مضبوط کرتا ہے:

زیرہ کے بارے میں تو شاید سب ہی جانتے ہوں گے کہ یہ ہمارے ہاضمے کے لئے بہت بہترین مصالحہ اور علاج ہے۔ زیرے کے ساتھ اگر میتھی بھی مل جائے تو یہ میٹابولزم کو تیز کرتا ہے اور یہ جسم کے لئے ڈی ٹاکسی فائنگ ایجنٹ کے طور پر کام کرتا ہے۔ جس کے تحت جسم سے سارے فاسد مادوں کو نکال باہر کرتا ہے۔

2۔ بلڈ پریشر کو کنٹرول کرتا ہے:

زیرہ اور میتھی دونوں ہی وہ مصالحے ہیں جو کہ جسم میں الیکٹرولائٹس کو متوازن رکھتے ہیں۔ اس سے بلڈ پریشر بھی قابو میں رہتا ہے ، اگر اس کا پانی پیا جائے تو وزن اور بلڈ پریشر دونوں چیزیں کنٹرول میں رہتی ہیں۔ ۔

3۔ دل بھی صحت مند:

زیرہ اور میتھی کیونکہ وزن کم کر کے کولیسٹرول اور بلڈ پریشرکو کم کرتا ہے اس لئے دل کے لئے بھی مفید ثابت ہو تا ہے۔ اس لئے ان دونوں چیزوں کا مناسب استعمال دل کے لئے فائدے مند ثابت ہوتا ہے۔

4۔ وزن میں کمی:

زیرہ اور میتھی دونوں ہی میٹابولزم کو تیز کرکے کھانا جلد ہضم کرنے میں مدد دیتے ہیں جس سے چربی بننے کی رفتار میں کمی آتی ہے، اس کے علاوہ بھوک کم لگتی ہے ۔ پیٹ صاف رہتا ہے جس سے جسم میں کھانے کا وزن نہیں رہتا اور آپ اسمارٹ دکھائی دیتے ہیں۔ اپنی چربی گھلانے کے لئے ان دونوں چیزوں کا پانی پئیں۔

5۔ سر درد سے نجات دلائے:

اس کا اگر قہوہ بنا کر پیا جائے تو سر درد میں فوری آرام آتا ہے۔ اس لئے اگر سر میں درد اور تکلیف ہو تو یہ اس سے نجات دلانے میں مددگار رہتا ہے۔

زیرہ اور میتھی کا استعمال کا طریقہ:

زیرہ اور میتھی کا پانی:

زیرہ اور میتھی کا پانی تیارکرنا بالکل بھی مشکل نہیں اس کے لئے آپ کو صرف یہ کرنا ہے کہ رات کو 1 گلاس پانی میں 1 چائے کا چمچ میتھی اور 1 چائے کا چمچ زیرہ ڈال کر رات بھر بھگو کر رکھ دیں۔ اس کے بعد صبح اس پانی کو پی لیں۔ اس سے آپ کو بہت فائدہ ہوگا۔

زیرہ اور میتھی کا قہوہ:

اس کی چائے تیار کرنا بھی بہت آسان ہے یہ بہت فائدہ مند اور کئی امراج میں مفید قہوہ ہے۔ اس کو تیار کرنے کے لیے 1 کپ پانی لیں۔ اس میں آدھا چائے کا چمچ زیرہ اور میتھی کے بیج ڈال کر ابال لیں۔ اس کے بعد اسے چھان کر اس میں شہد ملا کر پی لیں۔

دانہ میتھی اور زیرے کا پاؤڈر:

اسے پاؤڈر کی شکل میں بھی استعمال کیا جا سکتا ہے۔ اس کے لئے ان دونوں چیزوں کا ہم وزن لے کر پیس کر رکھ لیں ، ایک چٹکی کھانا کافی ہوگا۔
زیرہ اور میتھی یوں تو بہت مفید ہیں لیکن اس کے استعمال سے پہلے اپنے ڈاکٹرسے مشورہ ضرور کر لیں تاکہ وہ آ پ کی جسمانی کنڈیشن کو دیکھ کر اس کے حساب سے اس کے استعمال کے بارے میں تجویز کرے۔

By Afshan    |    In Health and Fitness   |    0 Comments    |    16681 Views    |    01 Nov 2022

Related Articles

Comments/Ask Question

Read Blog about ان بیجوں کے انمول فائدے جو آپ نہیں جانتے ہوں گے۔۔ زیرہ اور میتھی جسم کے 5 مسائل دور کرنے کی صلاحیت and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ان بیجوں کے انمول فائدے جو آپ نہیں جانتے ہوں گے۔۔ زیرہ اور میتھی جسم کے 5 مسائل دور کرنے کی صلاحیت) and how to utilize other natural ingredients to cure diseases, easy recipes, and other information related to food from KFoods.