سعود قاسمی کا محل نما گھر کس نے ڈیزائن کیا؟ جویریہ اور سعود کے شاندار گھر کی ویڈیو

“میں نے اور جویریہ نے اپنا گھر بہت پیار اور محنت سے بنایا ہے۔ اس محل نما گھر کو ڈیزائن کرنے کے لئے ہم نے باہر سے ڈیزائنر نہیں بلوایا بلکہ جویریہ نے ہی اسے ڈیزائن کیا ہے کیونکہ وہ انٹیرئیر ڈیزائنر بھی ہیں“

یہ کہنا ہے معروف اداکار سعود قاسمی کا جنھوں نے گزشتہ روز نادر علی کے پوڈکاسٹ میں شرکت کی۔ سعود قاسمی نے جہاں اپنی نجی زندگی کے حوالے کئی باتیں کیں وہیں انھوں نے بتایا کہ ان کا عالیشان محل نما بنگلہ بنانے کے لئے انھوں نے کافی روپیہ پیسہ خرچ کیا ہے۔

سعود کہتے ہیں کہ ہم نے اچھے وقتوں میں گھر بنا لیا اس وقت قیمتیں مناسب تھیں اب گھر بنانا یا جائیداد لینا بہت مشکل ہے کیونکہ مہنگائی بہت ہوگئی ہے۔ لیکن ہم نے دنیا کے سامنے محنت بھی کی ہے۔ لوگ جائیداد تو بنالیتے ہیں لیکن ان کی محنت کبھی نظر نہیں آتی۔

واضح رہے جویریہ اور سعود کا کراچی میں لگژری بنگلہ کسی شاہی محل سے کم ہر گز نہیں ہے۔ گھر کی تھیم سفید اور سنہری رکھی گئی ہے جبکہ گھر میں کافی قیمتی اور سونے سے بنی اشیاء سے سجاوٹ بھی کی گئی ہے۔ دیکھیں