شوہر میرے پیر دباتا ہے کھانا بھی پکاتا ہے اور۔۔ مہربانو نے اپنی شادی شدہ زندگی کے بارے میں نئے انکشاف کردیے

“میرا شوہر میرے پیر دباتا ہے اور ناشتہ اور کھانا بھی پکاتا ہے۔ میں اپنے شوہر کو سالوں سے جانتی ہوں لیکن یہ نہیں پتا تھا کہ میری شادی بھی ان سے ہوگی۔ مجھے ہنسانے کے لئے وہ مسخرے بھی بن جاتے ہیں۔ “

یہ کہنا ہے اداکارہ مہر بانو کا جن کی شادی چند ہفتوں قببل ان کے پرانے دوست شاہ رخ علی سے ہوئی۔ اس سے پہلے دونوں کی منگنی ہوئی تھی مگر اس کا باضابطہ اعلان نہیں کیا گیا تھا۔ شادی کے چند ہفتے بعد اداکارہ نے شوہر کی تعریف میں انسٹاگرام پر پوسٹ لکھتے ہوئے غیر شادی شدہ خواتین کو یہ مشورہ بھی دیا کہ شادی کے عمل سے نہ گھبرائیں یہ بہت پیارا عمل ہے۔

View this post on Instagram

A post shared by Mehar Bano (@meharbano)

مہربانو اپنے شوہر کی تعریف میں مزید لکھتی ہیں کہ جیسے ساتھی کی ان کی خواہش تھی ان کے شوہر اس سے بھی زیادہ بہتر ثابت ہوئے ہیں۔ جبکہ لڑائی جھگڑے کے بارے میں ان کا کہنا تھا کہ یہ معمولی باتیں شادی کے مضبوط رشتے سے زیادہ اہمیت نہیں رکھتیں اور کبھی کبھی احساس دلاتی ہیں کہ آپ نے صحیح ساتھی کا انتخاب کیا ہے۔

شوہر ہے یا غلام

البتہ مہربانو کی اس جذباتی پوسٹ کے بعد سوشل میڈیا پر لوگوں نے انھیں تنقید کا نشانہ بنانا شروع کردیا ہے۔ صارفین کا کہنا ہے کہ اگر ان کا شوہر محبت میں ان کے پیر دباتا ہے تو انھیں سرِعام ایسی باتیں نہیں لکھنی چاہئیں اور شوہر کی عزت کا خیال رکھنا چاہیے جبکہ کچھ لوگوں کا یہ بھی کہنا ہے کہ کیا انھوں نے شوہر کے بجائے تنخواہ پر غلام رکھا ہے جو وہ پیر دبانے سے لے کر کھانا پکانے کا کام بھی کرتے ہیں۔