خالہ بننے پر بہت خوش ہوں۔۔ راکھی ساونت نے دیپیکا کی بیٹی کے لئے کیا کچھ خرید لیا؟ ویڈیو

جہاں بالی ووڈ کی مشہور جوڑی، دیپیکا پڈوکون اور رنویر سنگھ اپنی بیٹی کی پیدائش کا جشن منا رہے ہیں، وہیں راکھی ساونت اپنی منفرد انداز میں دبئی میں چھوٹی شہزادی کے لیے تحائف خریدنے میں مصروف ہیں۔

بھارتی میڈیا رپورٹس کے مطابق، راکھی ساونت کی ایک دلچسپ ویڈیو سوشل میڈیا پر خوب وائرل ہو رہی ہے، جس میں انہیں دبئی کے ایک بڑے شاپنگ مال میں بچوں کے کھلونے اور تحائف خریدتے ہوئے دیکھا جا سکتا ہے۔

ویڈیو میں راکھی ساونت خوشی سے کہہ رہی ہیں، "ماسی (خالہ) بننے پر بہت خوش ہوں!" ان کی باتوں نے مداحوں کو مزید محظوظ کر دیا۔

راکھی نے اپنے پیغام میں دیپیکا پڈوکون کو مخاطب کرتے ہوئے کہا، "دیپیکا، ہم دونوں نے ایک ساتھ اپنے کیریئر کا آغاز کیا تھا۔ آپ سپر اسٹار بن گئیں، بیوی بنیں، اور اب ماں بھی بن گئیں! میں آپ کے لیے بہت خوش ہوں اور آپ کی بیٹی کے لیے دبئی سے خصوصی تحائف خرید رہی ہوں۔"

یہ ویڈیو سوشل میڈیا صارفین کے دلوں میں جگہ بنا چکی ہے، اور مداح راکھی کے منفرد انداز اور محبت بھری نیت کو خوب سراہ رہے ہیں۔